ꢮꢶꢯ꣄ꢮꢀ ꢮꢶꢰ꣄ꢠꢸꢬ꣄ ꢮꢰꢜ꣄ꢒꢵꢬꣂ
ꢩꢹꢡꢩꢮ꣄ꢫ ꢩꢮꢡ꣄ꢦ꣄ꢬꢩꢸꢁ
ꢩꢹꢡꢒꢺꢣ꣄ ꢩꢹꢡꢩꢺꢣ꣄ ꢩꢵꢮꣂ ꢩꢹꢡꢵꢡ꣄ꢪꢵ
ꢩꢹꢡꢩꢵꢮꢥꢁ ꣏ ꣑ ꣏
ꢮꢶꢯ꣄ꢮꢀ - ꢂꢠ꣄ꢜꢱꢬꢵꢗꢬꢪ꣄ꢒꢥ꣄ ꢯꢿꢡ꣄ꢡꢾꢥ
ꢮꢶꢰ꣄ꢠꢸꢁ - ꢱꢒꢭꢪ꣄ꢪꢸ ꢩꣁꢬꢶ ꢯꢿꢡ꣄ꢡꢾꢥ
ꢮꢰꢜ꣄ꢒꢵꢬꢁ - ꢂꢱ꣄ꢒꢶ ꢂꢦꢸꢭ꣄ ꢮꢱ ꢢꣁꢮ꣄ꢭ꣄ꢬꢶꢫꢡꢾꢥ
ꢩꢹꢡꢩꢮ꣄ꢫ ꢩꢮꢡ꣄ꢦ꣄ꢬꢩꢸꢁ - ꢢꢶꢥꢸꢒꢵꢭꢸꢥꢸꢪ꣄ ꢯꢿꢡ꣄ꢡꢾꢖ꣄ꢒꢱ꣄ꢒꢶ ꢦ꣄ꢬꢩꢸ
ꢩꢹꢡꢒꢺꢣ - ꢂꢦꢸꢭ꣄ ꢱꢖ꣄ꢒꢭ꣄ꢦꢪ꣄ ꢤꢵꢥꢸ ꢂꢱ꣄ꢒꢶ ꢯꢺꢰ꣄ꢜꢶ ꢒꢾꢬꢱ꣄ꢡꢾꢥ
ꢩꢹꢡꢩꢺꢣ꣄ - ꢯꢺꢰ꣄ꢜꢶ ꢒꢾꢬꢾ ꢂꢱ꣄ꢒꢶ ꢤꢬꢸꢭꢶ ꢯꢿꢡ꣄ꢡꢾꢥ
ꢩꢵꢮꢁ - ꢂꢱ꣄ꢒꢶꢪꢵꢪ꣄ ꢱꢸꢜ꣄ꢜꢶ ꢙꢵꢥꢵꢱ꣄ꢡ꣄ꢡꢾꢥꢒꢥ꣄ ꢪꢶꢳꢶ ꢯꢿꢡ꣄ꢡꢾꢥ
ꢩꢹꢡꢵꢡ꣄ꢪꢵ ꢂꢱ꣄ꢒꢶꢡꢾꢒ ꢙꢷꢮ꣄ꢒꢥ꣄
ꢯꢿꢡ꣄ꢡꢾꢥ
ꢩꢹꢡꢩꢵꢮꢥꢁ - ꢂꢱ꣄ꢒꢶꢫꣁ ꢱꢪ꣄ꢬꢒ꣄ꢰꢥꣁ ꢒꢾꢬꢱ꣄ꢡ꣄ꢡꢾꢥ ꢂꢱ꣄ꢒꢶ ꢡꢾꢒ ꢦ꣄ꢬꢨꢸ ꣏
ꢦꢹꢡꢵꢡ꣄ꢪꢵ ꢦꢬꢪꢵꢡ꣄ꢪꢵ ꢗ ꢪꢸꢒ꣄ꢡꢵꢥꢵꢪ꣄
ꢦꢬꢪꢵ ꢔꢡꢶꢁ ꣎꣎
ꢂꢮ꣄ꢫꢫꢁ ꢦꢸꢬꢸꢰꢁ ꢱꢵꢒ꣄ꢰꢷ ꢒ꣄ꢰꢿꢡ꣄ꢬꢙ꣄ꢛꣂ
ꢒ꣄ꢰꢬ ꢍꢮ ꢗ ꣏ ꣒ ꣏
ꢦꢹꢡꢵꢡ꣄ꢪꢵ - ꢒꢬ꣄ꢪ ꢧꢭꢥ꣄ ꢦꣁꢥ꣄ꢣꢥ꣄ ꢙꢷꢮꢵꢡ꣄ꢪꢵ ꢱꣁꢒꢥ꣄ ꢥꢴꢷꢱ꣄ꢡ꣄ꢡ ꢂꢦꢸꢭ꣄ ꢒꢬ꣄ꢪ ꢧꢭꢥ꣄
ꢦꣁꢥ꣄ꢣꢸꢥꢵꢱ꣄ꢡ꣄ꢡ ꢦꢮꢶꢡ꣄ꢬꢪ꣄ ꢲꣁꢫꢱ꣄ꢡꢾꢥ
ꢦꢬꢪꢵꢡ꣄ꢪꢵ - ꢱꢒꢭꢪꢸꢒ꣄ ꢙꢷꢮ꣄ ꢱꣁꢒꢥ꣄ ꢯꢿꢡ꣄ꢡꢾꢥ
ꢪꢸꢒ꣄ꢡꢵꢥꢵꢪ꣄
ꢦꢬꢪꢵꢔꢡꢶꢁ - ꢪꢸꢒ꣄ꢡꢸꢥ꣄ ꢱꢾꢡ꣄ꢭ ꢙꢷꢭꢥ꣄ꢣꢥ꣄
ꢢꢵꢪ꣄ꢒꢥ꣄ ꢯꢿꢡ꣄ꢡꢾꢥ
ꢂꢮ꣄ꢫꢫꢁ - ꢪꢸꢒ꣄ꢡꢸꢥ꣄ ꢂꢦꢸꢭꢸꢒ꣄ ꢱꣁꢞ꣄ꢞꢶ ꢙꢵꢥꢵ ꢯꢿꢡꢾꢥ
ꢦꢸꢬꢸꢰꢁ - ꢪꢸꢒ꣄ꢡꢸꢥꢸꢒ꣄ ꢂꢦꢸꢭ꣄ ꢯ꣄ꢮꢵꢥꢸꢩꢮꢪ꣄ ꢲꣁꢫꢾ ꢦꢬꢪꢵꢥꢥ꣄ꢡꢪ꣄ ꢣꢿꢱ꣄ꢡ꣄ꢡꢾꢥ
ꢱꢵꢒ꣄ꢰꢷ - ꢦꢬꢪꢵꢥꢥ꣄ꢣꢪ꣄ ꢦꣁꢥ꣄ꢣꢾ ꢪꢸꢒ꣄ꢡꢸꢥꢸꢒ꣄ ꢦꢬꢪꢵꢥꢥ꣄ꢣꢪ꣄ ꢱꢾꢥ꣄ꢡ ꢱꢵꢡ꣄ꢡꢾꢥ
ꢒ꣄ꢰꢿꢡ꣄ꢬꢙ꣄ꢛꣂ - ꢪꢸꢒ꣄ꢡꢸꢥꢸ ꢒ꣄ꢰꢿꢡꢺ ꢲꣁꢫꢾ ꢥꢶꢡ꣄ꢫ ꢮꢶꢩꢹꢡꢶ ꢙꢥꢾꢱ꣄ꢡꢾꢥ
ꢂꢒ꣄ꢰꢬꢁ - ꢪꢸꢒ꣄ꢡꢸꢥ꣄ ꢂꢥꢸꢨꢮꢶꢛ꣄ꢗꢾꢡ꣄ ꢪꢾꢳ꣄ꢳꢶ ꢒ꣄ꢰꢬꢪ꣄ ꢲꣂꢥꢵꢱ꣄ꢡꢾꢥ ꣏
ꢫꣂꢔꣂ ꢫꣂꢔꢮꢶꢣꢵꢪ꣄ ꢥꢿꢡꢵ ꢦ꣄ꢬꢤꢵꢥ
ꢦꢸꢬꢸꢰꢿꢯ꣄ꢮꢬꢁ ꣎
ꢥꢵꢬꢱꢶꢪ꣄ꢲꢮꢦꢸꢁ ꢯ꣄ꢬꢷꢪꢵꢥ꣄ ꢒꢿꢯꢮꢁ
ꢦꢸꢬꢸꢰꣂꢡ꣄ꢡꢪꢁ ꣏ ꣓ ꣏
ꢫꣂꢔꢁ - ꢪꣂꢒ꣄ꢰꢶ ꢣꢿꢱ꣄ꢡꢒ꣄ ꢆꢦꢵꢫꢪ꣄ꢒꢥ꣄ ꢬꢴꢵꢱ꣄ꢡꢾꢥ
ꢫꣂꢔꢮꢶꢣꢵꢪ꣄ ꢥꢿꢡꢵ - ꢩꢒ꣄ꢡꢶ ꢫꣂꢔꢪ꣄ ꢤꢾꢬ꣄ꢭꢶꢫꢾꢱ꣄ꢡꢾꢖ꣄ꢒ ꢥꢶꢬ꣄ꢮꢵꢒ꣄ ꢒꢾꢬꢱ꣄ꢡꢾꢥ
ꢦ꣄ꢬꢤꢵꢥ ꢦꢸꢬꢸꢰꢿꢯ꣄ꢮꢬꢁ - ꢪꢹꢭ ꢦ꣄ꢬꢵꢒꢺꢡꢶꢒꢶꢥ꣄ ꢡꢾꢪꢵꢪ꣄ ꢩꢥ꣄ꢣꣀꢭꢶ ꢯꢿꢡ꣄ꢡꢾ ꢙꢷꢮꢸꢥꢸꢒ꣄ ꢥꢶꢬ꣄ꢮꢵꢒ꣄
ꢒꢾꢬꢱ꣄ꢡꢾꢥ
ꢥꢵꢬꢱꢶꢪ꣄ꢲꢮꢦꢸꢁ - ꢥꢬ ꢯꢶꢪ꣄ꢲ ꢉꢦ꣄ ꢣꢶꢫ꣄ꢫ ꢪꢶꢳꢶ ꢂꢮꢾꢱ꣄ꢡꢾꢥ
ꢯ꣄ꢬꢷꢪꢵꢥ꣄ - ꢒꢵꢥ꣄ꢡꢶ ꢩꣁꢬꢾ ꢥꢬ ꢯꢶꢪ꣄ꢲ ꢉꢦꢸꢪ꣄ ꢱꢶꢖ꣄ꢔꢵꢬ꣄ꢒꢥ꣄ ꢯꢿꢡ꣄ꢡꢾꢥ
ꢒꢿꢯꢮꢁ - ꢱꢶꢖ꣄ꢔꢵꢬ꣄ ꢙꢾꢞ ꢓꢿꢯ꣄ ꢯꢿꢡ꣄ꢡꢾꢥ
ꢦꢸꢬꢸꢰꣂꢡ꣄ꢡꢪꢁ - ꢩꢒ꣄ꢡꢸꢥ꣄, ꢪꢸꢒ꣄ꢡꢸꢥ꣄, ꢥꢶꢡ꣄ꢫꢸꢥ꣄ ꢄꢫꢾ ꢢꢷꢥꢵꢡ꣄ꢪꢵꢥ꣄ ꢱꣁꢪ꣄ꢪꢬ꣄ ꢪꢿꢝꣁꢫꢾꢡꢾꢥ ꣏
ꢱꢬ꣄ꢮꢁ ꢯꢬ꣄ꢮꢁ ꢯꢶꢮꢁ
ꢱ꣄ꢢꢵꢠꢸꢬ꣄ ꢩꢹꢡꢵꢣꢶꢬ꣄ꢥꢶꢤꢶꢬꢮ꣄ꢫꢫꢁ
ꢱꢪ꣄ꢩꢮꣂ ꢩꢵꢮꢥꣂ ꢩꢬ꣄ꢡꢵ
ꢦ꣄ꢬꢩꢮꢁ ꢦ꣄ꢬꢩꢸꢬꢷꢯ꣄ꢮꢬꢁ ꣏ ꣔ ꣏
ꢱꢬ꣄ꢮꢁ - ꢱꢬ꣄ꢮꢪ꣄ ꢂꢦꢸꢭ꣄ ꢡꢥꢸꢒꢥ꣄ ꢲꢜ꣄ꢮꢶ ꢦꢵꢭꢥ ꢒꢾꢬꢱ꣄ꢡꢾꢥ
ꢯꢬ꣄ꢮꢁ - ꢂꢦꢸꢭ꣄ ꢡꢥꢸꢒꢥ꣄ ꢯꢿꢡ꣄ꢡꢾ ꢂꢱ꣄ꢒꢶꢡꢾꢒꢵ ꢲꢷꢥꢸꢥ꣄ ꢙꢸꢥ꣄ꢤꢹꢳꢶ ꢒꢾꢬꢱ꣄ꢡꢾꢥ
ꢯꢶꢮꢁ - ꢪꢖ꣄ꢔꢳꢪ꣄ꢒ ꢬꢴꢷ ꢂꢱ꣄ꢒꢶꢡꢾꢒ ꢪꢖ꣄ꢔꢳꢪ꣄ ꢣꢿꢱ꣄ꢡ꣄ꢡꢾꢥ
ꢱ꣄ꢢꢵꢠꢸꢁ - ꢱ꣄ꢢꢶꢬꢪ꣄ꢒ ꢓꣁꢨ꣄ꢨꢶꢪ꣄ ꢯꢿꢡ꣄ꢡꢾꢥ, ꢱ꣄ꢢꢶꢬꢪ꣄ ꢲꣁꢫꢾ ꢧꣂꢳ꣄
ꢣꢿꢱ꣄ꢡ꣄ꢡꢾꢥ
ꢩꢹꢡꢵꢣꢶꢁ - ꢱꢒꢭ ꢦ꣄ꢬꢵꢠꢶꢥꢸꢒ꣄ ꢦꢬꢪ ꢦꢸꢬꢸꢰꢵꢬ꣄ꢡ꣄ꢡꢪ꣄ꢒꢥ꣄ ꢯꢿꢡ꣄ꢡꢾꢥ
ꢥꢶꢤꢶꢬꢮ꣄ꢫꢫꢁ - ꢂꢜꢵꢥꢵ ꢥꢶꢤꢶꢒꢥ꣄ ꢯꢿꢡ꣄ꢡꢾꢥ (ꢗꢾꢥ꣄ꢣꢸꢡ ꢗꢾꢥ꣄ꢣꢸꢡ ꢂꢜꢵꢥꢵ
ꢎꢱ꣄ꢮꢬ꣄ꢫꢸ)
ꢱꢪ꣄ꢩꢮꢁ - ꢔꢾꢠꢵꢡ꣄ ꢱꣁꢒꢥ꣄ ꢭꢸꢒ꣄ꢒꢶꢭꢶꢬꢴꢷ ꢱꢾꢬ꣄ꢒ ꢲꣁꢫꢾ ꢕꢾꢞꢶꢪ꣄ ꢱꢵꢤꢸꢥꢸꢒꢸꢬ꣄ꢗ꣄ꢗꢶ
ꢂꢮꢱ꣄ꢡꢾꢥ
ꢩꢵꢮꢥꢁ - ꢂꢮꢱ꣄ꢡ꣄ꢡ ꢮꢿꢳ꣄ ꢱꢵꢤꢸꢥꢸ ꢣꢸꢒ꣄ꢓꢸ ꢥꢶꢮꢬ꣄ꢡ꣄ꢡꢶ ꢒꢾꢬꢶ ꢬꢒ꣄ꢰꢡ꣄ꢡꢾꢥ
ꢩꢬ꣄ꢡ꣄ꢡꢵ - ꢂꢦꢸꢭꢸꢒ꣄ ꢣꢷ ꢬꢒ꣄ꢰꢠ ꢒꢾꢬꢥ꣄ ꢯ꣄ꢮꢩꢵꢮꢪ꣄ ꢯꢿꢡ꣄ꢡꢾꢥ
ꢦ꣄ꢬꢩꢮꢁ - ꢌꢒ ꢲꢜ꣄ꢮꢾꢡꢶꢱ꣄ ꢲꢜ꣄ꢮꢾ ꢕꢾꢞꢶꢪ꣄ ꢲꢜ꣄ꢮꢾꢱ꣄ꢡꢾꢖ꣄ꢒ ꢦꢵꢦꢸꢥꢱ꣄ꢒꢶ ꢩꢶꢞꢱ꣄ꢡ꣄ꢡꢾꢥ
ꢦ꣄ꢬꢩꢸꢁ - ꢥꢬꢸꢥ꣄ ꢱꣁꢒ ꢉꢦꢸꢪ꣄ ꢂꢮ꣄ꢬꢴꢶꢫꢾꢡ꣄ ꢪꢾꢳ꣄ꢳꢶ ꢪꢿꢝꣁꢫꢾ ꢪꣂꢒ꣄ꢰꢶ ꢣꢿꢱ꣄ꢡ꣄ꢡꢾꢥ
ꢅꢯ꣄ꢮꢬꢁ - ꢥꢬꢸꢥ꣄ ꢱꣁꢒ ꢆꢙꢶꢬꢴꢶꢫꢾꢡ꣄ ꢪꢾꢳ꣄ꢳꢶ ꢂꢱ꣄ꢒꢶꢡꢾꢖ꣄ꢒ ꢦꢵꢭꢥ ꢒꢾꢬꢱ꣄ꢡꢾꢥ ꣏
ꢱ꣄ꢮꢫꢪ꣄ꢩꢹꢁ ꢯꢀꢩꢸꢬꢵꢣꢶꢡ꣄ꢫꢁ
ꢦꢸꢰ꣄ꢒꢬꢵꢒ꣄ꢰꣂ ꢪꢲꢵꢱ꣄ꢮꢥꢁ ꣎
ꢂꢥꢵꢣꢶ ꢥꢶꢤꢵꢥꣂ ꢤꢵꢡꢵ ꢮꢶꢤꢵꢡꢵ
ꢤꢵꢡꢸꢬꢸꢡ꣄ꢡꢪꢁ ꣏ ꣕ ꣏
ꢱ꣄ꢮꢫꢪ꣄ꢩꢹꢁ - ꢒꢬ꣄ꢪꢸꢥ꣄ ꢲꢵꢭ꣄ ꢆꢙꢸꢥꢵꢱ꣄ꢡ ꢂꢦꢸꢭ꣄ ꢱ꣄ꢮꢱꢖ꣄ꢒꢭ꣄ꢦꢸꢪ꣄ ꢆꢙꢱ꣄ꢡ꣄ꢡꢾꢥ
ꢯꢪ꣄ꢩꢸꢁ - ꢱꣃꢱꢷꢭ꣄ꢫ ꢱꣃꢭꢦ꣄ꢫ ꢱꣃꢥ꣄ꢣꢬ꣄ꢫꢵꢡꢶ ꢔꢸꢠ꣄ꢠꢸꢥ꣄ꢲꢵꢭ꣄ ꢱꣁꢥ꣄ꢡꢸ ꢣꢿꢱ꣄ꢡ꣄ꢡꢾꢥ
ꢃꢣꢶꢡ꣄ꢫꢁ - ꢱꢹꢬ꣄ꢫ ꢪꢠ꣄ꢞꢭꢸꢪ꣄ ꢪꢴꢙꢵꢬ꣄ ꢯꢿꢡ꣄ꢡꢾꢥ
ꢦꢸꢰ꣄ꢒꢬꢵꢒ꣄ꢰꢁ - ꢣꢪꢬꢒ꣄ꢰꢶ, ꢣꢪꢬ꣄ꢧꢹꢭ꣄ ꢱꣁꢒꢥ꣄
ꢂꢒ꣄ꢰꢶ ꢯꢿꢡ꣄ꢡꢾꢥ
ꢪꢲꢵꢱ꣄ꢮꢥꢁ - ꢯ꣄ꢬꢿꢰ꣄ꢝ ꢮꢿꢣ ꢯꢨ꣄ꢣꢸ ꢲꣁꢫꢾꢱ꣄ꢡꢾꢥ
ꢂꢥꢵꢣꢶꢥꢶꢤꢥꢁ - ꢃꢣꢶ ꢂꢥ꣄ꢡꢸ ꢥꢴꢷꢱ꣄ꢡ꣄ꢡꢾꢥ
ꢤꢵꢡꢵ - ꢭꣂꢒ꣄ ꢯꢺꢰ꣄ꢜꢶ ꢒꢾꢬꢱ꣄ꢡꢒ꣄ ꢮꢵꢬꢶꢙꢵꢱꢥꢸꢒ꣄ ꢔꢬ꣄ꢨꢸꢒꢥ꣄ ꢯꢺꢰ꣄ꢜꢶ ꢒꢾꢬꢾꢱ꣄ꢡꢾꢥ
ꢮꢶꢤꢵꢡꢵ -
ꢮꢵꢬꢶꢙꢵꢱꢥꢸꢒ꣄ ꢯꢺꢰ꣄ꢜꢶ ꢒꢾꢬꢾꢱ꣄ꢡ꣄ꢡꢾꢥ
ꢤꢵꢡꢸꢬꢸꢡ꣄ꢡꢪꢁ - ꢦꢛ꣄ꢗꢵꢱꢥꢸ ꢱꣁꢪ꣄ꢪꢬ꣄ ꢪꢿꢝꣁꢫꢾꢱ꣄ꢡꢾꢥ ꣏
ꢂꢦ꣄ꢬꢪꢿꢫꣂ ꢲꢺꢰꢷꢒꢿꢯꢁ
ꢦꢣ꣄ꢪꢥꢵꢩꣂ ꢂꢪꢬꢦ꣄ꢬꢩꢸꢁ ꣎
ꢮꢶꢯ꣄ꢮꢒꢬ꣄ꢪꢵ ꢪꢥꢸꢱ꣄ꢡ꣄ꢮꢰ꣄ꢜꢵ
ꢱ꣄ꢢꢮꢶꢰ꣄ꢝꢁ ꢱ꣄ꢢꢮꢶꢬꣂ ꢤꢺꢮꢁ ꣏ ꣖ ꣏
ꢂꢦ꣄ꢬꢪꢿꢫꢁ - ꢄꢥ꣄ꢣ꣄ꢬꢶꢫꢵꢳ꣄ꢥꢸꢒ꣄ ꢱꢸꢬꢵꢥꢸꢒ꣄ ꢂꢥ꣄ꢣꢥꢵꢱ꣄ꢡ꣄ꢡꢾꢥ
ꢲꢺꢰꢷꢒꢿꢯꢁ - ꢂꢱ꣄ꢒꢶ ꢄꢥ꣄ꢣ꣄ꢬꢶꢫꢪꢸꢒ꣄ ꢦ꣄ꢬꢩꢸ, ꢱꣁꢪ꣄ꢦꢸ ꢱꣁꢱ꣄ꢡꢶ
ꢱꣁꢥ꣄ꢡꢸ ꢯꢿꢡ꣄ꢡꢾꢥ
ꢦꢣ꣄ꢪꢥꢵꢩꢁ - ꢮꢵꢬꢶꢙꢵꢱꢥꢸ ꢆꢙ꣄ꢮꢵꢮꢸꢢꢵꢪ꣄ ꢦꢣ꣄ꢪꢪ꣄ ꢥꢵꢩꢶꢪ꣄ ꢢꣁꢮ꣄ꢭꢶ ꢯꢿꢡ꣄ꢡꢾꢥ
ꢂꢪꢬꢦ꣄ꢬꢩꢸꢁ - ꢂꢪꢬꢸꢥ꣄ ꢲꣁꢫꢾ ꢱꢸꢬꢵꢥꢸꢒ꣄ ꢦꢵꢭꢥ ꢒꢾꢬꢬꢶꢫ ꢦ꣄ꢬꢩꢸ
ꢮꢶꢯ꣄ꢮꢒꢬ꣄ꢪꢵ - ꢮꢵꢬꢶꢙꢵꢥꢸꢒ꣄ ꢪꢸꢭ꣄ꢭꢵꢪ꣄ ꢧꢭ꣄ꢭꢵꢪꢱ꣄ꢒꢶ ꢒꢬ꣄ꢪꢸ ꢒꢾꢬꢾꢱ꣄ꢡꢾꢥ
ꢪꢥꢸꢁ - ꢱꢖ꣄ꢒꢭ꣄ꢦꢸꢪ꣄ ꢂꢱ꣄ꢒꢶ ꢯꢺꢰ꣄ꢜꢶ ꢒꢾꢬꢱ꣄ꢡ꣄ꢡꢾꢥ
ꢡ꣄ꢮꢰ꣄ꢜꢵ - ꢂꢱ꣄ꢒꢶ ꢯꢺꢰ꣄ꢜꢶ ꢒꢾꢬꢶ ꢉꢦ꣄ ꢥꢵꢮ꣄ ꢣꢷ ꢪꢵꢒ꣄ ꢒꢾꢬꢱ꣄ꢡ꣄ꢡꢾꢥ
ꢱ꣄ꢢꢵꢮꢶꢰ꣄ꢝꢁ - ꢩꢾꢳꢶ ꢱ꣄ꢢꢹꢭꢪ꣄ ꢲꣁꢫꢾꢱ꣄ꢡꢾꢥ ꢂꢱ꣄ꢒꢶꢡꢾꢪꢵꢪ꣄ ꢮꢶꢱ꣄ꢡꢵꢬ꣄ꢒꢥ꣄ ꢯꢿꢡ꣄ꢡꢾꢥ
ꢱ꣄ꢢꢮꢶꢬꢁ - ꢓꣁꢪ꣄ꢨꢶꢪ꣄ ꢱ꣄ꢡꢶꢬꢪ꣄ꢒꢥ꣄ ꢬꢴꢵꢱ꣄ꢡ꣄ꢡꢾꢥ
ꢤꢺꢮꢁ - ꢱꢶꢖ꣄ꢔꢸꢥꢵ ꢱ꣄ꢡꢶꢬꢪ꣄ꢒ ꢬꢴꢵꢱ꣄ꢡ꣄ꢡꢾꢥ ꢂꢦꢸꢭ꣄ ꢱ꣄ꢮꢉꢦꢸꢪ꣄ ꢬꢴꢷ ꢱꢶꢖ꣄ꢔꢸꢥꢵꢱ꣄ꢡꢾꢥ ꣏
ꢂꢔ꣄ꢬꢵꢲ꣄ꢫꢁ ꢯꢵꢯ꣄ꢮꢡꢁ ꢒꢺꢰ꣄ꢠꣂ
ꢭꣂꢲꢶꢡꢵꢒ꣄ꢰꢁ ꢦ꣄ꢬꢡꢬ꣄ꢣꢥꢁ ꣎
ꢦ꣄ꢬꢩꢹꢡꢱ꣄ ꢡ꣄ꢬꢶꢒꢒꢸꢨ꣄ꢤꢵꢪ
ꢦꢮꢶꢡ꣄ꢬꢀ ꢪꢖ꣄ꢔꢭꢀ ꢦꢬꢪ꣄ ꣏ ꣗ ꣏
ꢂꢔ꣄ꢬꢵꢲ꣄ꢫꢁ - ꢔ꣄ꢬꢲꢶꢛ꣄ꢗꢸꢭꢡ꣄ꢡ(ꢂꢥ꣄ꢣꢸꢭꢱ꣄ꢡ꣄ꢡ) ꢪꢸꢱꢸꢥꢵꢱ꣄ꢡ꣄ꢡꢾꢥ
ꢯꢵꢯ꣄ꢮꢡꢁ - ꢒꢾꢬꢶ,ꢬꢒ꣄*v,ꢥꢱꢡ꣄ꢡꢾ ꢒꢵꢪ꣄ ꢱꢷꢥ꣄ꢥꢴꢷꢱ꣄ꢡ꣄ꢡ ꢡꢾꢬ꣄ꢱꢸ ꢒꢾꢬꢱ꣄ꢡ꣄ꢡꢾꢥ
ꢒꢺꢰ꣄ꢠꢁ - ꢓꣁꢨ꣄ꢨꢶꢪ꣄ ꢥꢶꢡ꣄ꢫꢪ꣄ ꢲꣁꢫꢾꢡ꣄ꢡꢾꢥ꣄ ꢱꢶꢖ꣄ꢔꢵꢬ꣄ꢒꢥ꣄ ꢒꢵꢳꢒꢥ꣄ ꢯꢿꢡ꣄ꢡꢾꢥ
ꢭꣂꢲꢶꢡꢵ*ꢁ - ꢱꢶꢖ꣄ꢔꢵꢬ꣄ꢒꢥ꣄ ꢦꢣ꣄ꢪꢪ꣄ ꢱꣁꢒ ꢯꢿꢡ꣄ꢡꢾ ꢭꢴꣁꢮ꣄ꢮ ꢂꢒ꣄ꢰꢶꢮꢵꢥ꣄
ꢦ꣄ꢬꢡꢬ꣄ꢣꢥꢁ - ꢦ꣄ꢬꢳꢫꢒꢵꢭꢸꢪꢱ꣄ꢒꢶ ꢱꢪ꣄ꢲꢵꢬ꣄ ꢒꢬꢶ ꢂꢦꢸꢭꢸꢪ꣄ ꢂꢠ꣄ꢗꢸꢭꢡ꣄ꢡꢾꢥ
ꢦ꣄ꢬꢩꢹꢡꢁ - ꢥꢵꢱ꣄ꢥꢴꢷꢡ꣄ꢡ ꢎꢱ꣄ꢮꢬ꣄ꢫꢸꢥ꣄ ꢩꣁꢬꢶ ꢯꢿꢡ꣄ꢡꢾꢥ
ꢡ꣄ꢬꢶꢒꢒꢸꢣ꣄ꢤꢵꢪꢵ - ꢭꢷꢭꢵꢮꢶꢩꢹꢡꢶ ꢱꣁꢪ꣄ꢪꢬ꣄ ꢪꢴꣁꢜ꣄ꢜ ꢥꢶꢡ꣄ꢫꢮꢶꢩꢹꢡꢶꢮꢵꢥ꣄
ꢦꢮꢶꢡ꣄ꢬꢪ꣄ - ꢦꣁꢬ ꢥꢴꢷꢱ꣄ꢡ꣄ꢡ ꢦꢮꢶꢡ꣄ꢬꢪ꣄ ꢲꣁꢫꢾꢱ꣄ꢡ꣄ꢡꢾꢥ
ꢪꢖ꣄ꢔꢳꢪ꣄ꢦꢬꢪ꣄ - ꢪꢖ꣄ꢔꢳꢪ꣄ ꢦꢹꢬ꣄ꢠꢸꢒꢥ꣄ ꢩꣁꢬꢶ ꢯꢿꢡ꣄ꢡꢾꢥ ꣏
ꢅꢯꢵꢥꢁ ꢦ꣄ꢬꢵꢠꢣꢁ ꢦ꣄ꢬꢵꢠꣂ
ꢙ꣄ꢫꢿꢰ꣄ꢝꢁ ꢯ꣄ꢬꢿꢰ꣄ꢝꢁ ꢦ꣄ꢬꢙꢵꢦꢡꢶꢁ ꣎
ꢲꢶꢬꢠ꣄ꢫꢔꢬ꣄ꢩꣂ ꢩꢹꢔꢬ꣄ꢩꣂ
ꢪꢵꢤꢮꣂ ꢪꢤꢸꢱꢹꢣꢥꢁ ꣏ ꣘ ꣏
ꢅꢯꢵꢥꢁ - ꢱꢬ꣄ꢮꢪ꣄ ꢥꢶꢬ꣄ꢮꢵꢒ꣄ ꢒꢾꢬꢱ꣄ꢡ꣄ꢡꢾꢥ, ꢱꢬ꣄ꢮ ꢯꢒ꣄ꢡꢶ ꢯꢿꢡ꣄ꢡꢾꢥ
ꢦ꣄ꢬꢵꢠꢣꢁ - ꢙꢷꢮ꣄ ꢕꢭꢱ꣄ꢡ꣄ꢡꢾꢥ, ꢥꢶꢡ꣄ꢫꢱꢹꢬꢶꢥꢸꢒ꣄
ꢯꢒ꣄ꢡꢶ ꢣꢿꢱ꣄ꢡ꣄ꢡꢾꢥ
ꢦ꣄ꢬꢵꢠꢁ - ꢙꢷꢮ꣄ꢒꢥ꣄ ꢬꢴꢵꢱ꣄ꢡ꣄ꢡꢾꢥ, ꢥꢶꢡ꣄ꢫꢱꢹꢬꢶꢥꢸꢒ꣄ ꢙꢷꢮ꣄
ꢱꣁꢒ ꢦ꣄ꢬꢿꢮ꣄ꢒꢥ꣄ ꢬꢴꢵꢱ꣄ꢡ꣄ꢡꢾꢥ
ꢙ꣄ꢫꢿꢰ꣄ꢝꢁ - ꢂꢱ꣄ꢒꢶꢡꢾꢒꢵ ꢱꣁꢪ꣄ꢪꢬ꣄ꢒ ꢯꢿꢡ꣄ꢡꢾ ꢲꢵꢭ꣄ ꢙ꣄ꢫꢿꢰ꣄ꢝ
ꢯ꣄ꢬꢿꢰ꣄ꢝꢁ - ꢥꢶꢡ꣄ꢫꢸꢥ꣄ ꢥꢪ꣄ꢒꢬꢥ꣄ ꢯ꣄ꢬꢿꢰ꣄ꢝꢸ
ꢦ꣄ꢬꢙꢵꢦꢡꢶꢁ -ꢥꢶꢡ꣄ꢫꢸꢥꢸꢒ꣄ ꢦꢡꢶ ꢲꣁꢫꢾꢱ꣄ꢡ꣄ꢡꢾꢥ, ꢥꢶꢡ꣄ꢫꢸꢥꢸ ꢱꢿꢮ
ꢓꢭ꣄ꢭꢱ꣄ꢡ꣄ꢡꢾꢥ
ꢲꢶꢬꢠ꣄ꢫꢔꢬ꣄ꢩꢁ - ꢯꢸꢣ꣄ꢤ ꢱꢡ꣄ꢮꢪ꣄ꢲꣁꢫꢾ ꢱꣁꢥ꣄ꢥꢵꢕꢿꢬ꣄ ꢒꢱ꣄ꢡꢥ꣄ꢣꢸꢔꢵꢪ꣄ ꢪꢾꢥꢥ꣄ ꢮꣀꢒꢸꢠ꣄ꢝꢪꢸ
ꢮꢱꢱ꣄ꢡ꣄ꢡꢾꢥ
ꢩꢹꢔꢬ꣄ꢩꢁ - ꢩꢹ ꢪꢵꢫꢶꢒ꣄ ꢲꢷꢥ꣄ ꢑꢥꢵꢱ꣄ꢡ꣄ꢡ ꢬꢒ꣄ꢰꢱ꣄ꢡ꣄ꢡꢾꢥ
ꢪꢵꢤꢮꢁ - ꢯ꣄ꢬꢷ ꢭꢒ꣄ꢰ꣄ꢪꢷꢒ꣄ ꢦꢡꢶ ꢲꣁꢫꢾꢱ꣄ꢡ꣄ꢡꢾꢥ ꢡꢶꢒ ꢱꢾꢥ꣄ꢡꣂꢱ꣄ ꢓꣁꢨ꣄ꢨꢶꢪ꣄
ꢬꢴꢵꢱ꣄ꢡ꣄ꢡꢾꢥ
ꢪꢤꢸꢱꢹꢣꢥꢁ - ꢪꢤꢸ ꢪꢾꢥꢥ꣄ ꢬꢒ꣄ꢰꢾꢱꢸꢒ꣄ ꢱꢪ꣄ꢲꢵꢬ꣄ ꢒꢾꢬꢾꢱ꣄ꢡ꣄ꢡꢾꢥ ꢡꢿ ꢱꣁꢒꢥꢸꢱ꣄ ꢂꢱ꣄ꢒꢶ ꢤꢶꢭ꣄ꢭ
ꢗꢵꢭꢸꢥ꣄ ꢥꢱꢡ꣄ꢡꢾꢥ ꣏
ꢅꢯ꣄ꢮꢬꣂ ꢮꢶꢒ꣄ꢬꢪꢷ ꢤꢥ꣄ꢮꢷ
ꢪꢿꢤꢵꢮꢷ ꢮꢶꢒ꣄ꢬꢪꢁ ꢒ꣄ꢬꢪꢁ ꣎
ꢂꢥꢸꢡ꣄ꢡꢪꣂ ꢣꢸꢬꢵꢤꢬ꣄ꢰꢁ
ꢒꢺꢡꢙ꣄ꢛꢁ ꢒꢺꢡꢶꢬꢵꢡ꣄ꢪꢮꢵꢥ꣄ ꣏ ꣙ ꣏
ꢅꢯ꣄ꢮꢬꢁ - ꢂꢦꢸꢭ꣄ ꢱꢖ꣄ꢔꢭ꣄ꢦꢪ꣄ ꢤꢵꢥꢸ ꢂꢱ꣄ꢒꢶ ꢮꢶꢕ꣄ꢥꢪ꣄ ꢥꢴꢷꢱ꣄ꢡ꣄ꢡ ꢗꢭ꣄ꢡ ꢒꢾꢬꢱ꣄ꢡ꣄ꢡꢾꢥ
ꢮꢶꢒ꣄ꢬꢪꢷ - ꢩꢾꢳꢶ ꢯꢒ꣄ꢡꢶ ꢦꢹꢬ꣄ꢠꢸꢒꢥ꣄ ꢩꣁꢬꢶ ꢯꢿꢡ꣄ꢡꢾꢥ
ꢤꢥ꣄ꢮꢷ - ꢯꢵꢬꢖ꣄ꢔꢪ꣄ ꢪꢾꢥꢥ꣄ ꢤꢥꢸꢱ꣄ ꢤꢾꢬ꣄ꢭ꣄ꢬꢱ꣄ꢡ꣄ꢡꢾꢥ
ꢪꢿꢤꢵꢮꢷ - ꢂꢱ꣄ꢒꢶ ꢙꢥꢾꢡ꣄ꢡꢾꢥ, ꢱꢬ꣄ꢮꢙ꣄ꢛꢥ꣄
ꢮꢶꢒ꣄ꢬꢪꢁ - ꢦꢒ꣄ꢰꢶ ꢬꢵꢜ꣄ ꢔꢾꢬꢸꢞꢸꢒ꣄ ꢮꢵꢲꢥꢒꢥ꣄ ꢢꣁꢮ꣄ꢭꢶ ꢂꢮꢡ꣄ꢡꢾꢥ
ꢒ꣄ꢬꢪꢁ - ꢂꢱ꣄ꢒꢶ ꢡꢿꢜ꣄ ꢬꢸꢥ꣄ꢣꢶ ꢩꣁꢬꢶ ꢯꢿꢡ꣄ꢡꢾꢥ
ꢂꢥꢸꢡ꣄ꢡꢪꢁ - ꢌꢒ ꢱꢪꢵꢥ꣄ ꢌꢒ ꢱꣁꢪ꣄ꢪꢬ꣄ ꢪꢴꣁꢜ꣄ꢜ ꢒꣁꢥ꣄ꢥꢶꢥ꣄ ꢥꢴꢷꢱ꣄ꢡ꣄ꢡꢾꢥ
ꢣꢸꢬꢵꢤꢬ꣄ꢰꢁ - ꢙꢥꢥ꣄ ꢪꢸꢱꢸꢥꢵ ꢱꢸꢥ꣄ꢣꢸꢬꢸ ꢕꢷꢬ꣄ ꢱꣁꢒꢥ꣄ ꢯꢿꢡ꣄ꢡꢾꢥ, ꢌꢒ ꢙꢶꢔꢥ꣄ ꢒꣁꢖ꣄ꢒꢶ ꢲꢵꢭ꣄ ꢪꢸꢱꢸꢥꢵ
ꢒꢺꢡꢙ꣄ꢛꢁ - ꢂꢪꢶ ꢣꢾꢒ꣄ꢒꢞꢥ꣄ ꢥꢴꢥ꣄ꢥ ꢦ꣄ꢬꢿꢮ꣄ ꢪꢾꢳ꣄ꢳꢶ ꢪꢴꣁꢜ꣄ꢜꢒꢥ꣄ ꢲꢮ꣄ꢞꢱ꣄ꢡ꣄ꢡꢾꢥ ꢒꢺꢡꢙ꣄ꢛ
ꢯꢿꢡ꣄ꢡꢾꢥ
ꢒꢺꢡꢶꢁ - ꢌꢒ ꢤꢾꢬꢶ ꢲꢮ꣄ꢞꢱ꣄ꢡ꣄ꢡꢒ꣄ ꢌꢥꣂꢱ꣄ ꢒꢵꢬꢠꢒꢥ꣄ ꢯꢿꢡ꣄ꢡꢾꢥ ꢒꢺꢡꢶꢮꢵꢥ꣄
ꢃꢡ꣄ꢪꢮꢵꢥ꣄ - ꢯꢸꢒꢺꢡꢶ ꢲꣁꢫꢾ ꢃꢡ꣄ꢪꢵꢥ꣄ ꢂꢱ꣄ꢒꢶ ꢌꢒ ꢱꣁꢡ꣄ꢡꢸ ꣏
ꢱꢸꢬꢿꢯꢁ ꢯꢬꢠꢀ ꢯꢬ꣄ꢪ
ꢮꢶꢯ꣄ꢮꢬꢿꢡꢵꢁ ꢦ꣄ꢬꢙꢵꢩꢮꢁ ꣎
ꢂꢲꢁ ꢱꢀꢮꢡ꣄ꢱꢬꣂ ꢮ꣄ꢫꢵꢭꢁ
ꢦ꣄ꢬꢡ꣄ꢫꢫꢁ ꢱꢬ꣄ꢮꢣꢬ꣄ꢯꢥꢁ ꣏ ꣑꣐ ꣏
ꢱꢸꢬꢿꢯꢁ - ꢱꢸꢬꢵꢥꢸꢒꢱ꣄ꢒꢶ ꢦꢡꢶ, ꢄꢥ꣄ꢣ꣄ꢬ ꢧꣀꢭꢵꢡꢶ
ꢣꢿꢮꢡꢵꢥꢸꢒ꣄ ꢦꢡꢶ
ꢯꢬꢠꢪ꣄ - ꢂꢦꢸꢭꢸꢒ꣄ ꢯꢬꢠ꣄ꢦꣁꢥ꣄ꢣꢱ꣄ꢡꢒ꣄ ꢂꢦꢸꢭꢸꢱ꣄ ꢮꢵꢜ꣄ꢒꢥ꣄ ꢯꢿꢡ꣄ꢡꢾꢥ
ꢯꢬ꣄ꢪ - ꢱꣁꢥ꣄ꢡꢸ ꢲꣁꢫꢾꢱ꣄ꢡ꣄ꢡꢾꢥ ꢱꣁꢥ꣄ꢡꢸ ꢣꢿꢱ꣄ꢡ꣄ꢡꢾꢥ,ꢯꢸꢓ ꢉꢦꢶ
ꢮꢶꢯ꣄ꢮꢬꢿꢡꢵꢁ - ꢮꢶꢯ꣄ꢮꢪꢸꢒꢱ꣄ꢒꢶ ꢪꢹꢭ ꢒꢬꢠꢒꢥ꣄ ꢯꢿꢡ꣄ꢡꢾꢥ
ꢦ꣄ꢬꢙꢵꢩꢮꢁ - ꢂꢱ꣄ꢒꢶꢥꢵꢒ꣄ (ꢦ꣄ꢬꢙꢵꢥꢸꢒ꣄) ꢦꢶꢡꢵꢒꢥ꣄ ꢯꢿꢡ꣄ꢡꢾꢥ
ꢂꢲꢁ - ꢂꢔ꣄ꢛꢵꢥ꣄ ꢪꢾꢥꢥ꣄ ꢲꣂꢖ꣄ꢔꢸ ꢢꢾꢭ꣄ꢗꢶ ꢣꢷꢰꢸꢲꢸꢙꢵꢳ꣄ ꢱꣁꢒ ꢒꢵꢥ꣄ꢡꢶꢮꢵꢥ꣄
ꢱꢪ꣄ꢮꢡ꣄ꢱꢬꢁ - ꢱꢵꢤꢸꢥꢸꢒ꣄ ꢲꢵꢡ꣄ꢣꢷ ꢡꢸꢒ꣄ꢒꢶꢱꣁꢞꢡ꣄ꢡ ꢡꢾꢖ꣄ꢒꢪꣁꢥ꣄ꢥꢸꢪ꣄꣄ ꢮꢱꢡ꣄ꢡꢾꢥ
ꢮ꣄ꢫꢵꢭꢁ - ꢦ꣄ꢬꢿꢪꢶꢥꢸꢒ꣄ ꢦ꣄ꢬꢿꢮ꣄ꢒꢥ꣄ ꢨꣁꢭ꣄ꢭꢱ꣄ꢡ꣄ꢡꢾꢥ
ꢦ꣄ꢬꢡ꣄ꢫꢫꢁ - ꢥꣁꢪ꣄ꢒꢾ ꢲꣁꢫꢾꢱ꣄ꢡ꣄ꢡꢾꢥ
ꢱꢬ꣄ꢮꢣꢬ꣄ꢯꢥꢁ - ꢂꢦꢸꢭꢸꢪ꣄ ꢥꣁꢪ꣄ꢨꢾꢡ꣄ꢡꢾꢖ꣄ꢒ ꢂꢦꢸꢭ꣄ ꢮꢶꢩꢹꢡꢶꢫꢱ꣄ꢒꢶ ꢣꢾꢒ꣄ꢒꢞꢱ꣄ꢡꢾꢥ ꣏
ꢂꢙꢁ ꢱꢬ꣄ꢮꢿꢯ꣄ꢮꢬꢁ ꢱꢶꢣ꣄ꢤꢁ
ꢱꢶꢣ꣄ꢤꢶꢁ ꢱꢬ꣄ꢮꢵꢣꢶꢬ꣄ ꢂꢗ꣄ꢫꢸꢡꢁ ꣎
ꢮꢺꢰꢵꢒꢦꢶꢬ꣄ ꢂꢪꢿꢫꢵꢡ꣄ꢪꢵ ꢱꢬ꣄ꢮ
ꢫꣂꢔ ꢮꢶꢥꢶ ꢱꢺꢡꢁ ꣏ ꣑꣑ ꣏
ꢂꢙꢁ - ꢦ꣄ꢬꢿꢪꢶꢥꢸꢒ꣄ ꢂꢮꢥ꣄ ꢮꢶꢕ꣄ꢥꢪꢱ꣄ꢒꢶ ꢮꢶꢥꢵꢯ꣄ ꢒꢾꢬꢡ꣄ꢡꢾꢥ
ꢱꢬ꣄ꢮꢿꢯ꣄ꢮꢬꢁ - ꢂꢦꢸꢭ꣄ꢒꢥꢸꢱ꣄ ꢦ꣄ꢬꢿꢪꢶꢥ꣄ ꢙꣁꢮꢳ꣄ ꢂꢮꢶ ꢭꢥ꣄ꢣꢱ꣄ꢡꢾꢥ
ꢱꢶꢣ꣄ꢤꢁ - ꢔꢿ,ꢗꢭ꣄ꢡ,ꢂꢮꢥ꣄ ꢒꢵꢭꢱ꣄ꢒꢶ ꢙꢥꢾꢱ꣄ꢡ꣄ꢡꢾꢥ
ꢱꢶꢣ꣄ꢤꢶꢁ - ꢒ꣄ꢰꢷꢠꢪ꣄ ꢥꢴꢷꢱ꣄ꢡ꣄ꢡ ꢦꢹꢬ꣄ꢠ ꢯꢒ꣄ꢡꢶꢮꢵꢥ꣄
ꢱꢬ꣄ꢮꢵꢣꢶꢁ - ꢱꢬ꣄ꢮ ꢧꣂꢳꢸꢥꢸꢒ꣄ ꢃꢣꢶ ꢒꢵꢬꢠꢒꢥ꣄ ꢯꢿꢡ꣄ꢡꢾꢥ
ꢂꢗ꣄ꢫꢸꢡꢁ - ꢯꢬꢠꢪ꣄ ꢪꢾꢥ꣄ꢭꢶ ꢂꢮꢾꢱ꣄ꢡ꣄ꢡꢾꢖ꣄ꢒ ꢲꢵꢡ꣄ ꢱꣁꢠ꣄ꢠꢵꢡ꣄ꢡꢾꢥ
ꢮꢺꢰꢵꢒꢦꢶꢁ - ꢤꢬ꣄ꢪ ꢉꢦ꣄ꢒꢥ꣄ ꢮꢬꢵꢲ ꢑꢡꢵꢬ꣄ ꢒꢾꢬꢾꢱ꣄ꢡꢾꢥ
ꢂꢪꢿꢫꢵꢡ꣄ꢪꢵ - ꢩꢒ꣄ꢡꢸꢥꢸꢒ꣄ ꢒꢾꢬꢬꢶꢫ ꢂꢥꢸꢔ꣄ꢬꢲꢪ꣄ ꢪꢹꢬꢡꢔꢥ꣄ ꢪꢸꢱꢸꢥꢵꢡꢾꢥ
ꢱꢬ꣄ꢮꢫꣂꢔ ꢮꢶꢥꢶꢱꢺꢡꢁ -ꢂꢱ꣄ꢒꢶ ꢆꢦꢵꢫꢪꢸꢥ꣄ ꢮꢵꢜ꣄ ꢂꢨ꣄ꢨꢱ꣄ꢡ꣄ꢡꢾꢥ ꣏
ꢮꢱꢸꢬ꣄ ꢮꢱꢸꢪꢥꢵꢱ꣄ ꢱꢡ꣄ꢫꢱ꣄ ꢱꢪꢵꢡ꣄ꢪꢵ
ꢱꢪ꣄ꢪꢶꢡꢁ ꢱꢪꢁ ꣎
ꢂꢪꣂꢕꢁ ꢦꢸꢠ꣄ꢞꢬꢷꢒꢵꢒ꣄ꢰꣂ
ꢮꢺꢰꢒꢬ꣄ꢪꢵ ꢮꢺꢰꢵꢒꢺꢡꢶꢁ ꣏ ꣑꣒ ꣏
ꢮꢱꢸ - ꢱꢵꢤꢸꢥ꣄, ꢦ꣄ꢬꢿꢪꢶꢥ꣄ ꢙꣁꢮꢳ꣄
ꢦ꣄ꢬꢿꢮ꣄ꢒꢥ꣄ ꢮꢱꢡ꣄ꢡꢾꢥ
ꢮꢱꢸꢪꢥꢵꢁ - ꢱꢵꢤꢸꢥ꣄ ꢦ꣄ꢬꢿꢪꢶꢥꢸꢒꢦꢸꢭ꣄ ꢮꢱꢸꢒꢥ꣄(ꢬꣀꢒꢥ꣄) ꢲꢮ꣄ꢞꢱ꣄ꢡꢾꢥ
ꢱꢡ꣄ꢫꢁ - ꢱꢡ꣄ꢫꢮꢵꢒ꣄ ꢮꢗꢱ꣄ꢡ꣄ꢡꢾꢥ, ꢱꢵꢤꢸꢥꢸꢒ꣄
ꢏꢦ꣄ꢦꢫꢱ꣄ꢡ꣄ꢡꢾꢥ
ꢱꢪꢵꢡ꣄ꢪꢵ - ꢂꢱ꣄ꢒꢶ ꢡꢾꢖ꣄ꢒ ꢱꢪꢪ꣄ꢒꢥ꣄ ꢱꢪ ꢃꢡ꣄ꢪꢵꢥ꣄ ꢪꢾꢥꢶ ꢲꢮ꣄ꢞꢱ꣄ꢡꢾꢥ
ꢱꢪ꣄ꢪꢶꢡꢁ - ꢱꢵꢤꢸꢥ꣄ ꢙꣁꢮꢳ꣄ ꢪꢶꢡ꣄ꢡꢸꢒꢥ꣄ ꢬꢴꢵꢱ꣄ꢡ꣄ꢡꢾꢥ
ꢱꢪꢁ - ꢱꢵꢤꢸꢥ꣄ ꢙꣁꢮꢳ꣄ ꢯꢬꢠꢮꢾꢱ꣄ꢡꢾꢖ꣄ꢒ ꢙꣁꢮꢳ꣄ ꢱꢪ ꢩꢵꢮꢥꢒꢥ꣄ ꢗꢭ꣄ꢭꢱ꣄ꢡꢾꢥ
ꢂꢪꣂꢕꢁ - ꢩꢔꢮꢡ꣄ ꢯꢿꢮ ꢓꣁꢨ꣄ꢨꢶꢪ꣄ ꢮꢶꢬ꣄ꢡꢵ ꢲꣁꢮꢞꢸꢥꢵꢱ꣄ꢡ꣄ꢡꢾꢥ
ꢦꢸꢠ꣄ꢞꢬꢷꢒꢵꢒ꣄ꢰꢁ - ꢥꢶꢡ꣄ꢫ ꢱꢹꢬꢶꢥꢸꢒ꣄ ꢣꣁꢳ ꢱꣁꢒꢥ꣄ ꢯꢿꢡ꣄ꢡꢾꢥ, ꢣꢪꢬ꣄ ꢣꣁꢳꢮꢵꢥ꣄
ꢮꢺꢰꢒꢬ꣄ꢪꢵ - ꢱꢵꢤꢸꢥꢸ ꢃꢱ꣄ꢡ ꢦꢹꢬ꣄ꢡꢶ ꢒꢾꢬꢱ꣄ꢡꢾꢥ
ꢮꢺꢰꢵꢒꢺꢡꢶꢁ - ꢤꢬ꣄ꢪꢉꢦ꣄ ꢲꣁꢫꢾꢱ꣄ꢡ꣄ꢡꢾꢥ ꢱꢶꢳ꣄ꢳ ꢂꢪꢺꢡꢸ ꢱꣁꢒ ꢱꢶꢖ꣄ꢔꢵꢬ꣄ ꢮꢵꢗ꣄ꢮꢵꢥ꣄ ꣏
ꢬꢸꢣ꣄ꢬꣂ ꢨꢲꢸꢯꢶꢬꢵ
ꢨꢩ꣄ꢬꢸꢬ꣄ ꢮꢶꢯ꣄ꢮꢫꣂꢥꢶꢁ ꢯꢸꢗꢶꢯ꣄ꢬꢮꢵꢁ ꣎
ꢂꢪꢺꢡꢁ ꢯꢵꢯ꣄ꢮꢡꢁ
ꢱ꣄ꢢꢵꢠꢸꢬ꣄ ꢮꢬꢵꢬꣂꢲꣂ ꢪꢲꢵꢡꢦꢵꢁ ꣏ ꣑꣓ ꣏
ꢬꢸꢣ꣄ꢬꢁ - ꢱꢵꢤꢸꢥꢸꢒ꣄ ꢩꢒ꣄ꢡꢶ ꢲꣂꢬꢸꢪ꣄ ꢡꢬꢞꢱ꣄ꢡꢾꢥ ꢃꢡ꣄ꢪꢬꣂꢒ꣄ ꢨꢬ ꢒꢾꢬꢱ꣄ꢡꢾꢥ
ꢨꢲꢸꢯꢶꢬꢵꢁ - ꢨꢲꢸꢯꢶꢬꢱ꣄ ꢯꢿꢡ꣄ꢡꢾ ꢃꢣꢶꢱꢿꢰꢥ꣄ ꢱꣁꢒꢥ꣄ ꢯꢿꢡ꣄ꢡꢾꢥ
ꢨꢩ꣄ꢬꢸꢁ - ꢃꢣꢶꢱꢿꢰꢥ꣄ ꢉꢦꢸꢪ꣄ ꢭꣂꢒ꣄ ꢮꢲꢶꢭꢶ ꢯꢿꢡ꣄ꢡꢾꢥ
ꢮꢶꢯ꣄ꢮꢫꣂꢥꢶꢁ - ꢮꢶꢯ꣄ꢮꢪꢱ꣄ꢒꢶ ꢯꢺꢰ꣄ꢜꢶ ꢦꣂꢣꢶ ꢒꢾꢬꢱ꣄ꢡ꣄ꢡꢾꢥ
ꢯꢸꢗꢶꢯ꣄ꢬꢮꢵꢁ - ꢂꢦꢸꢭ꣄ ꢩꢒ꣄ꢡꢸꢥꢸ ꢄꢥ꣄ꢦꢸ ꢲꣁꢫꢾ ꢯꢸꢮꢡ꣄ꢡꢵꢥ꣄ ꢎꢒꢱ꣄ꢡꢾꢥ
ꢂꢪꢺꢡꢁ - ꢆꢙ꣄ꢮꢵꢮ꣄ ꢪꣁꢬꢥꢸꢪ꣄ ꢬꢴꢷ ꢲꢾꢞꢶꢱꣁꢞꢥ꣄ ꢂꢪꢺꢡꢸ ꢲꣁꢫꢱ꣄ꢡꢾꢥ
ꢯꢵꢯ꣄ꢮꢡꢱ꣄ꢢꢵꢠꢸꢁ - ꢥꢵꢯ꣄
ꢥꢴꢷꢱ꣄ꢡꢾꢥ ꢩꢒ꣄ꢡꢸꢥꢸꢒ꣄ ꢒꢺꢦꢒꢾꢬꢶꢭꢿꢡ꣄ ꢬꢴꢵꢡ꣄ꢡꢾꢥ
ꢮꢬꢵꢬꣂꢲꢁ - ꢂꢦꢸꢭ꣄ ꢩꢒ꣄ꢡꢸꢥꢸꢒ꣄ ꢆꢙ꣄ꢮꢵꢮ꣄ ꢪꣁꢬꢥꢸꢪ꣄ ꢬꢴꢷ ꢲꢾꢞꢶꢱꣁꢞꢶ ꢱꣁꢥ꣄ꢡꢸꢒꢥ꣄ ꢮꢺꢥ꣄ꢣꢵꢮꢥꢪꢸ
ꢮꢱꢱ꣄ꢡ꣄ꢡꢾꢥ
ꢪꢲꢵꢡꢦꢵꢁ - ꢪꢲꢵꢙ꣄ꢛꢵꢥꢪ꣄ ꢦꢹꢬ꣄ꢠꢸꢒꢥ꣄ ꢩꣁꢬꢶ ꢯꢿꢡ꣄ꢡꢾꢥ ꣏
ꢱꢬ꣄ꢮꢔꢁ
ꢱꢬ꣄ꢮꢮꢶꢣ꣄ꢩꢵꢥꢸꢬ꣄ ꢮꢶꢰ꣄ꢮꢒ꣄ꢱꢿꢥꣂ ꢙꢥꢵꢬ꣄ꢣꢥꢁ ꣎
ꢮꢿꢣꣂ ꢮꢿꢣꢮꢶꢣꢮ꣄ꢫꢖ꣄ꢔꣂ ꢮꢿꢣꢵꢖ꣄ꢔꣂ ꢮꢿꢣꢮꢶꢡ꣄ ꢒꢮꢶꢁ ꣏ ꣑꣔ ꣏
ꢱꢬ꣄ꢮꢔꢁ - ꢱꢪ꣄ꢲꢵꢬ꣄ ꢒꢾꢬꢾ ꢂꢱ꣄ꢒꢶ ꢮꢲꢸꢛ꣄ꢙꢸꢭꢱ꣄ꢡ ꢯꢒ꣄ꢡꢶ ꢯꢿꢡ꣄ꢡꢾꢥ
ꢱꢬ꣄ꢮꢮꢶꢣ꣄ - ꢱꢪ꣄ꢲꢵꢬ꣄ ꢒꢾꢬꢾ ꢂꢱ꣄ꢒꢶ ꢧꢷꢬ꣄ ꢯꢺꢰ꣄ꢜꢶ ꢒꢾꢬꢶ ꢦꢵꢭꢥ ꢒꢾꢬꢱ꣄ꢡ꣄ꢡꢾꢥ
ꢩꢵꢥꢸꢁ - ꢱꢸꢬꢶꢡ꣄ ꢱꣁꢒꢥ꣄ ꢒꢵꢥ꣄ꢡꢶ ꢩꣁꢬꢾꢱ꣄ꢡ꣄ꢡꢾꢥ
ꢮꢶꢰ꣄ꢮꢒ꣄ꢱꢿꢥꢁ - ꢮꢶꢯ꣄ꢮꢪꢱ꣄ꢒꢶ ꢬꢒ꣄ꢰꢥ꣄ ꢱꢿꢥꢵ ꢯꢒ꣄ꢡꢶ ꢯꢿꢡ꣄ꢡꢾꢥ
ꢙꢥꢵꢬ꣄ꢣꢥꢁ - ꢭꣂꢒꢱ꣄ꢒꢶ ꢬꢒ꣄ꢰꢥ ꢒꢾꢬꢱ꣄ꢡꢮꢿꢳ꣄ ꢮꢶꢕ꣄ꢥꢪ꣄ ꢒꢾꢬꢱ꣄ꢡꢮꢾꢡꢾꢖ꣄ꢒ ꢥꢵꢱ꣄ꢒꢾꢬꢱ꣄ꢡꢾꢥ
ꢮꢿꢣꢁ - ꢮꢿꢣ ꢉꢦ꣄ꢒꢥ꣄ ꢯꢨ꣄ꢣꢸꢒꢥ꣄ ꢯꢿꢡ꣄ꢡꢾꢥ, ꢮꢿꢣ꣄
ꢣꢶꢫꢾꢱ꣄ꢡꢾꢥ
ꢮꢿꢣꢮꢶꢣ꣄ - ꢮꢿꢣ꣄ ꢙꢥꢾꢱ꣄ꢡ꣄ꢡꢾꢥ, ꢮꢿꢣꢮꢶꢣ꣄
ꢂꢮ꣄ꢫꢖ꣄ꢔꢁ - ꢮꢿꢣꢸꢪ꣄ ꢦꢹꢬ꣄ꢠꢸ ꢲꣁꢫꢾꢱ꣄ꢡꢾꢥ
ꢮꢿꢣꢵꢖ꣄ꢔꢁ - ꢮꢿꢣꢸꢱ꣄ ꢂꢦꢸꢭ꣄ ꢂꢖ꣄ꢔꢪ꣄ꢒ ꢣꢬꢶꢭꢶ ꢯꢿꢡ꣄ꢡꢾꢥ
ꢮꢿꢣꢮꢶꢣ꣄ - ꢮꢿꢣ ꢯ꣄ꢮꢉꢦꢶ ꢮꢿꢣꢸ ꢮꢵꢜ꣄ ꢙꢥ꣄ꢭꢸꢮꢵꢫ꣄
ꢒꢮꢶꢁ ꢂꢱ꣄ꢒꢶ ꢙꢥꢾꢱ꣄ꢡ꣄ꢡꢾꢥ
ꢂꢱ꣄ꢒꢶ ꢱꢶꢭꢿꢡ꣄ ꢯꢿꢡ꣄ꢡꢾꢥ ꣏
ꢭꣂꢒꢵꢤ꣄ꢫꢒ꣄ꢰꢁ ꢱꢸꢬꢵꢤ꣄ꢫꢒ꣄ꢰꣂ
ꢤꢬ꣄ꢪꢵꢤ꣄ꢫꢒ꣄ꢰꢁ ꢒꢺꢡꢵꢒꢺꢡꢁ ꣎
ꢗꢡꢸꢬꢵꢡ꣄ꢪꢵ ꢗꢡꢸꢬ꣄ ꢮ꣄ꢫꢹꢲꢯ꣄
ꢗꢡꢸꢬ꣄ ꢣꢪ꣄ꢰ꣄ꢜ꣄ꢬꢯ꣄ ꢗꢡꢸꢬ꣄ꢩꢸꢙꢁ ꣏ ꣑꣕ ꣏
ꢭꣂꢒꢵꢤ꣄ꢫꢒ꣄ꢰꢁ - ꢭꣂꢒ꣄ ꢙꢥꢾꢱ꣄ꢡ꣄ꢡꢾꢥ ꢤꢾꢬꢸꢪ꣄ ꢒꢾꢬꢱ꣄ꢡꢾꢖ꣄ꢒ ꢙꢥꢱ꣄ꢡ꣄ꢡꢾꢥ
ꢱꢸꢬꢵꢤ꣄ꢫꢒ꣄ꢰꢁ - ꢱꢸꢬꢵꢥꢸꢒ꣄(ꢣꢿꢮꢡꢵꢥ꣄) ꢙꢥꢾꢱ꣄ꢡ꣄ꢡꢾꢥ
ꢤꢬ꣄ꢪꢵꢤ꣄ꢫꢒ꣄ꢰꢁ - ꢒꣂꢥꢾ ꢤꢾꢬꢸꢪ꣄ ꢪꢾꢥ꣄ ꢙꢥꢾꢱ꣄ꢡ꣄ꢡꢾꢥ
ꢒꢺꢡꢵꢒꢺꢡꢁ - ꢥꢶꢡ꣄ꢫ ꢂꢥꢶꢡ꣄ꢫ ꢧꢭꢥ꣄ ꢣꢿꢱ꣄ꢡ꣄ꢡꢾꢥ
ꢗꢡꢸꢬꢵꢡ꣄ꢪꢵ - ꢮꢵꢱꢸꢣꢿꢮ꣄,ꢱꢖ꣄ꢒꢬ꣄ꢰꢠꣁ, ꢦ꣄ꢬꢡ꣄ꢫꢸꢪ꣄ꢥꣁ ꢂꢥꢶꢬꢸꢡ꣄ꢡꣁ ꢪꢾꢥꢶ ꢗꢵꢬ꣄ ꢉꢦꢸꢥ꣄ ꢯꢿꢡ꣄ꢡꢾꢥ
ꢗꢡꢸꢬ꣄ꢮ꣄ꢫꢹꢲꢁ - ꢙꢔ꣄ꢥꢶ ꢱꣁꢦ꣄ꢥ ꢲꣂꢖ꣄ꢔꢸ ꢭꢔꢶꢥꢶ ꢄꢡ꣄ꢫꢵꢡꢶ ꢱ꣄ꢡꢶꢡꢶꢥꢸꢪ꣄ ꢯꢿꢡ꣄ꢡꢾꢥ
ꢗꢡꢸꢬ꣄ꢣꢪ꣄ꢰ꣄ꢜ꣄ꢬꢁ - ꢮꢵꢱꢸꢣꢿꢮ ꢉꢦꢸꢪ꣄ ꢗꢵꢬ꣄ ꢪꣂꢥꢱꢶꢪ꣄ꢲ ꢣꢵꢣ꣄ ꢯꢿꢡ꣄ꢡꢾꢥ
ꢗꢡꢸꢬ꣄ꢩꢸꢙꢁ - ꢮꢵꢱꢸꢣꢿꢮ ꢉꢦꢸꢪ꣄ ꢗꢵꢬ꣄ ꢲꢵꢡ꣄ ꢯꢿꢡ꣄ꢡꢾꢥ, ꢗꢡꢸꢬ꣄ꢩꢸꢙꢮꢵꢥ꣄ ꣏
ꢩ꣄ꢬꢵꢙꢶꢰ꣄ꢠꢸꢬ꣄ ꢩꣂꢙꢥꢀ
ꢩꣂꢒ꣄ꢡꢵ ꢱꢲꢶꢰ꣄ꢠꢸꢬ꣄ ꢙꢔꢣꢵꢣꢶꢙꢁ ꣎
ꢂꢥꢕꣂ ꢮꢶꢙꢫꣂ ꢙꢿꢡꢵ
ꢮꢶꢯ꣄ꢮꢫꣂꢥꢶꢁ ꢦꢸꢥꢬ꣄ꢮꢱꢸꢁ ꣏ ꣑꣖ ꣏
ꢩ꣄ꢬꢵꢙꢶꢰ꣄ꢠꢸꢁ - ꢬꢱ꣄ꢪꢶꢒꢥ꣄ ꢯꢿꢡ꣄ꢡꢾꢥ
ꢩꣂꢙꢥꢪ꣄ - ꢂꢪꢺꢡꢸ ꢲꣁꢫꢾ ꢩꣂꢙꢥꢪ꣄ꢒꢥ꣄ ꢯꢿꢡ꣄ꢡꢾꢥ
ꢩꣂꢒ꣄ꢡꢵ - ꢩꢒ꣄ꢡꢸꢥ꣄ ꢦ꣄ꢬꢿꢮ꣄ꢒꢥ꣄ ꢣꢿꢬꢶꢫ ꢦ꣄ꢬꢿꢮ꣄ꢒꢥ꣄ ꢓꢳ꣄ꢳꢱ꣄ꢡ꣄ꢡꢾꢥ
ꢱꢲꢶꢰ꣄ꢠꢸ - ꢂꢦꢸꢭ꣄ ꢥꢴꢸꢬꢸꢥ꣄ ꢒꢳꢫꢶ ꢒꢳꢥꢵꢱ꣄ꢡ꣄ꢡ ꢒꢬꢾ ꢗꢹꢒꢸꢥ꣄ ꢒ꣄ꢰꢪ
ꢒꢾꢬ꣄ꢭꢱ꣄ꢡ꣄ꢡꢾꢥ
ꢙꢔꢣꢵꢣꢶꢙꢁ - ꢙꢔꢡꢸꢪ꣄ ꢧꣀꢭ ꢲꣁꢫꢾ ꢧꢾꢫ꣄ꢭꢜ꣄
ꢂꢥꢕꢁ - ꢦꣁꢬ ꢥꢴꢷꢱ꣄ꢡ꣄ꢡꢾꢥ
ꢮꢶꢙꢫꢁ - ꢙꢷꢒ꣄ ꢲꣁꢫꢾꢱ꣄ꢡ꣄ꢡꢾꢥ ꢂꢱ꣄ꢒꢶꢪꢵꢪ꣄ ꢮꢶꢙꢫꢪ꣄ ꢦꣁꢥ꣄ꢣꢱ꣄ꢡꢾꢥ
ꢙꢿꢡꢵ - ꢂꢱ꣄ꢒꢶꢡꢾꢒ
ꢪꢶꢛ꣄ꢙꢾꢡ꣄ꢡꢾꢥ
ꢮꢶꢯ꣄ꢮꢫꣂꢥꢶꢁ - ꢮꢶꢯ꣄ꢮꢪꢱ꣄ꢒꢶ ꢯꢺꢰ꣄ꢜꢶ ꢦꣂꢣꢶ ꢒꢾꢬꢱ꣄ꢡ꣄ꢡꢾꢥ
ꢦꢸꢥꢬ꣄ꢮꢱꢸꢁ - ꢧꢶꢬꢶ ꢧꢶꢬꢶ ꢱꢵꢤꢸꢥꢸꢒ꣄ ꢬꢒ꣄ꢰꢡ꣄ꢡ ꢂꢮꢱ꣄ꢡ꣄ꢡꢾꢥ ꣏
ꢆꢦꢿꢥ꣄ꢣ꣄ꢬꣂ ꢮꢵꢪꢥꢁ
ꢦ꣄ꢬꢵꢪ꣄ꢯꢸꢬ꣄ ꢂꢪꣂꢕꢁ ꢯꢸꢗꢶꢬꢹꢬ꣄ꢙꢶꢡꢁ ꣎
ꢂꢡꢷꢥ꣄ꢣ꣄ꢬꢁ ꢱꢖ꣄ꢔ꣄ꢬꢲꢁ ꢱꢬ꣄ꢔꣂ
ꢤꢺꢡꢵꢡ꣄ꢪꢵ ꢥꢶꢫꢪꣂ ꢫꢪꢁ ꣏ ꣑꣗ ꣏
ꢆꢦꢿꢥ꣄ꢣ꣄ꢬꢁ - ꢂꢡꢶꢢꢶꢒ꣄ ꢨꢬ꣄ꢮ ꢥꢴꢸꢬꢸꢒꢥ꣄ ꢄꢥ꣄ꢣ꣄ꢬꢸꢒ꣄ ꢥꢴꢥ꣄ꢥ ꢩꣀꢒꢥ꣄ ꢆꢙꢾꢱ꣄ꢡ꣄ꢡꢾꢥ
ꢮꢵꢪꢥꢁ - ꢄꢥ꣄ꢣ꣄ꢬꢸꢒ꣄ ꢬꢒ꣄ꢰꢡ꣄ꢡ ꢒꢸꢳ꣄ꢳ ꢩꢮꢠ꣄ꢒꢥ꣄ ꢑꢡꢵꢬ꣄ ꢓꢞꢾꢱ꣄ꢡ꣄ꢡꢾꢥ
ꢦ꣄ꢬꢵꢪ꣄ꢯꢸꢁ - ꢒ꣄ꢰꢠ ꢕꢾꢜꢶꢪ꣄ ꢆꢛ꣄ꢗꢒꢥ꣄ ꢲꣁꢞꢶ ꢡ꣄ꢬꢶꢮꢶꢒ꣄ꢬꢪ ꢲꣁꢫꢾꢱ꣄ꢡ꣄ꢡꢾꢥ
ꢂꢪꣂꢕꢁ - ꢩꢔꢮꢡ꣄ ꢯꢿꢮ ꢓꣁꢨ꣄ꢨꢶꢪ꣄ ꢮꢶꢬ꣄ꢡꢵ ꢲꣁꢮꢞꢸꢥꢵꢱ꣄ꢡ꣄ꢡꢾꢥ
ꢯꢸꢗꢶꢁ - ꢒꢾꢬꢾ ꢆꢦꢒꢵꢬꢸꢒ꣄ ꢦ꣄ꢬꢡꢶ ꢆꢦꢒꢵꢬ꣄ ꢌꢣꢶꢬ꣄ ꢱꢵꢥꢵꢱ꣄ꢡ꣄ꢡꢾꢥ
ꢇꢬ꣄ꢙꢶꢡꢁ - ꢪꢲꢵꢦꢭꢶ ꢨꢾꢜꣁ ꢥꢪꢸꢱꢶꢒ꣄ ꢂꢠ꣄ꢗꢾ ꢪꢲꢵꢯꢒ꣄ꢡꢶꢮꢵꢥ꣄
ꢂꢡꢷꢥ꣄ꢣ꣄ꢬꢁ - ꢄꢥ꣄ꢣ꣄ꢬꢸꢒ꣄ ꢥꢴꢥ꣄ꢥ ꢩꣀꢒꢥ꣄ ꢬꢴꢶꢫꢾꢡ꣄ ꢪꢾꢳ꣄ꢳꢶ ꢡꢾꢒ ꢱꣁꢪ꣄ꢪꢬ꣄ ꢯꢒ꣄ꢡꢶꢮꢵꢥ꣄
ꢱꢖ꣄ꢔ꣄ꢬꢲꢁ - ꢯꢬꢠ꣄ꢦꣁꢥ꣄ꢣꢾ ꢂꢱ꣄ꢒꢶꢥꢵꢒ꣄ ꢩꢶꢞꢸꢭꢱ꣄ꢡ꣄ꢡꢾꢥ
ꢱꢬ꣄ꢔꢁ - ꢂꢱ꣄ꢒꢶ ꢯꢺꢰ꣄ꢜꢶ ꢒꢾꢬꢾꢱ꣄ꢡ꣄ꢡꢾꢥ
ꢤꢺꢡꢵꢡ꣄ꢪꢵ - ꢃꢡ꣄ꢪꢵꢥꢸꢒ꣄ ꢆꢙ꣄ꢙꢶꢮꢥꣁ ꢒꢾꢬꢞꢱ꣄ꢡ꣄ꢡꢾꢥ
ꢥꢶꢫꢪꢁ - ꢱꢵꢤꢸꢥꢸꢒ꣄ ꢲꢶꢪꢱ ꢒꢾꢬꢱ꣄ꢡꢾꢖ꣄ꢒ ꢂꢠ꣄ꢗꢱ꣄ꢡꢾꢥ
ꢫꢪꢁ - ꢱꢵꢤꢸꢥꢸ ꢲꢺꢣꢫꢪ꣄ꢪꢸ ꢪꣁꢥ꣄ꢥꢸꢪ꣄ ꢓꣁꢨ꣄ꢨꢶꢪ꣄ ꢮꢱꢱ꣄ꢡ꣄ꢡꢾꢥ ꣏
ꢮꢿꢣ꣄ꢫꣂ ꢮꣀꢣ꣄ꢫꢁ ꢱꢣꢵꢫꣂꢔꢷ
ꢮꢷꢬꢲꢵ ꢪꢵꢤꢮꣂ ꢪꢤꢸꢁ ꣎
ꢂꢡꢷꢥ꣄ꢣ꣄ꢬꢶꢫꣂ ꢪꢲꢵꢪꢵꢫꣂ
ꢪꢲꣂꢡ꣄ꢱꢵꢲꣂ ꢪꢲꢵꢨꢭꢁ ꣏ ꣑꣘ ꣏
ꢮꢿꢣ꣄ꢫꢁ - ꢂꢱ꣄ꢒꢶꢥꢵ ꢲꢵꢭ꣄ ꢙꢥ꣄ꢭꢸꢮꢵꢱ꣄ꢡ꣄ꢡꢾꢥ
ꢮꣀꢣ꣄ꢫꢁ - ꢆꢙ꣄ꢮꢵꢮ꣄ ꢪꣁꢬꢥ꣄ ꢪꢾꢥꢥ꣄ ꢬꣂꢒ꣄ ꢨꢬ ꢒꢾꢬꢥ꣄ ꢮꢶꢣ꣄ꢫꣁ ꢙꢥꢾꢱ꣄ꢡ꣄ꢡꢾꢥ
ꢱꢣꢵꢫꣂꢔꢷ - ꢣꢵꢱꢸꢥꢸꢒ꣄ ꢬꢒ꣄ꢰꢡ꣄ꢡ ꢱꢣꢵ ꢙꢔꢶꢭꢿꢡ꣄ ꢯꢿꢡ꣄ꢡꢾꢥ
ꢮꢷꢬꢲꢵ - ꢤꢶꢭ꣄ꢭ ꢮꢡ꣄ꢡ ꢒꢾꢬꢱ꣄ꢡ꣄ꢡꢾꢖ꣄ꢒ ꢱꢪ꣄ꢲꢵꢬ꣄ ꢒꢾꢬꢱ꣄ꢡꢾꢥ
ꢪꢵꢤꢮꢁ - ꢦꢬꢪꢵꢡ꣄ꢪ ꢛꢵꢥꢪ꣄ ꢣꢿꢱ꣄ꢡ꣄ꢡꢾꢥ
ꢂꢣꢷꢥ꣄ꢣ꣄ꢬꢶꢫꢁ - ꢄꢥ꣄ꢣ꣄ꢬꢶꢫꢪꢸꢥꢸ ꢲꢵꢭ꣄ ꢂꢥ꣄ꢣꢸꢭꢸꢮꢵꢥꢵꢱ꣄ꢡ꣄ꢡꢾꢥ
ꢪꢲꢵꢪꢵꢫꢁ - ꢪꢲꢵ ꢪꢵꢫꣁ ꢲꣁꢫꢾꢱ꣄ꢡ꣄ꢡꢾꢥ
ꢪꢲꣂꢡ꣄ꢱꢵꢲꢁ - ꢩꢾꢳꢶ ꢗꢿꢞ꣄ꢮꣁ ꢯꢿꢡ꣄ꢡꢾꢥ
ꢪꢲꢵꢨꢭꢁ - ꢪꢲꢵ ꢨꣁꢭꢪ꣄ ꢯꢿꢡ꣄ꢡꢾꢥ ꣏
ꢪꢲꢵꢨꢸꢣ꣄ꢤꢶꢬ꣄ ꢪꢲꢵꢮꢷꢬ꣄ꢫꣂ
ꢪꢲꢵꢯꢒ꣄ꢡꢶꢬ꣄ ꢪꢲꢵꢣ꣄ꢫꢸꢡꢶꢁ ꣎
ꢂꢥꢶꢬ꣄ꢣꢿꢯ꣄ꢫꢮꢦꢸꢁ ꢯ꣄ꢬꢷꢪꢵꢥ꣄
ꢂꢪꢿꢫꢵꢡ꣄ꢪꢵ ꢪꢲꢵꢣ꣄ꢬꢶꢤꢺꢡ꣄ ꣏ ꣑꣙ ꣏
ꢪꢲꢵꢨꢸꢣ꣄ꢤꢶꢁ - ꢓꣁꢨ꣄ꢨꢶꢪ꣄ ꢂꢱ꣄ꢒꢶ ꢏꢠ꣄ꢜꢿꢮꢵꢳꢸꢪ꣄ ꢙꢥ꣄ꢭꢱ꣄ꢡ꣄ꢡꢾꢥ
ꢪꢲꢵꢮꢷꢬ꣄ꢫꢁ - ꢮꢶꢔꢵꢬꢪ꣄ ꢥꢴꢷꢱ꣄ꢡ꣄ꢡꢾꢥ (ꢪꢬ꣄ꢗ꣄ꢗꢥꢵꢱ꣄ꢡ꣄ꢡꢾꢥ)
ꢪꢲꢵꢯꢒ꣄ꢡꢶꢁ - ꢪꢲꢵ ꢯꢒ꣄ꢡꢶꢮꢵꢥ꣄
ꢪꢲꢵꢣ꣄ꢫꢸꢡꢶꢁ - ꢂꢥꢥ꣄ꢡ ꢒꣂꢜꢶ ꢱꢸꢬꢶꢡꢸ ꢲꢸꢙꢵꢳ꣄ ꢩꣁꢬꢾꢡ꣄ꢡꢾꢥ
ꢂꢥꢶꢬ꣄ꢣꢿꢯ꣄ꢫꢮꢦꢸꢁ - ꢌꢒ ꢱꢪꢵꢥ꣄ ꢒꣁꢥ꣄ꢥꢶꢥ꣄ ꢥꢴꢷ ꢣꢶꢮ꣄ꢫ ꢉꢦ꣄ꢮꢵꢥ꣄
ꢯ꣄ꢬꢷꢪꢵꢥ꣄ - ꢂꢦꢸꢭ꣄ ꢱꢶꢖ꣄ꢔꢵꢬ꣄ ꢉꢦꢸꢒ꣄ ꢲꣁꢫꢾ ꢩꢹꢰꢸꢥ꣄ ꢩꣁꢬꢶ ꢯꢿꢡ꣄ꢡꢾꢥ
ꢂꢪꢿꢫꢵꢡ꣄ꢪꢵ - ꢪꢹꢬ ꢡꢔꢥ꣄ ꢪꢸꢱꢸꢥꢵꢱ꣄ꢡ꣄ꢡꢾꢥ
ꢪꢲꢵꢣ꣄ꢬꢶꢤꢺꢡ꣄ - ꢱꢸꢥ꣄ꢣꢸꢬ꣄ ꢔꢸꢱꢸꢭꢱ꣄ꢡ꣄ꢡꢮꢿꢳ꣄ ꢪꢥ꣄ꢡ꣄ꢬꢔꢶꢬꢶ ꢮꢮꢶꢭꢶꢫꢱ꣄ꢡꢾꢥ ꣏
ꢪꢲꢿꢰ꣄ꢮꢵꢱꣂ ꢪꢲꢷꢩꢬ꣄ꢡꢵ
ꢯ꣄ꢬꢷꢥꢶꢮꢵꢱꢁ ꢱꢡꢵꢖ꣄ꢔꢡꢶꢁ ꣎
ꢂꢥꢶꢬꢸꢣ꣄ꢤꢁ ꢱꢸꢬꢵꢥꢥ꣄ꢣꣂ
ꢔꣂꢮꢶꢥ꣄ꢣꣂ ꢔꣂꢮꢶꢣꢵꢪ꣄ꢦꢡꢶꢁ ꣏ ꣒꣐ ꣏
ꢪꢲꢿꢰ꣄ꢮꢵꢱꢁ - ꢔꣂꢣꢠ꣄ꢞꢪ꣄ ꢤꢾꢬ꣄ꢭꢶ ꢱꣁꢒ꣄ꢒꢜ꣄ ꢨꢵꢠꣁ ꢮꢶꢥ꣄ꢣꢱ꣄ꢡ꣄ꢡꢾꢥ
ꢪꢲꢷꢩꢬ꣄ꢡꢵ - ꢩꢹꢛ꣄ ꢮꢮꢶꢭꢶ ꢯꢿꢡ꣄ꢡꢾꢥ
ꢯ꣄ꢬꢷꢥꢶꢮꢵꢱꢁ - ꢯ꣄ꢬꢷꢪꢫꢶꢒ꣄ ꢲꢿꢪꢸꢬ꣄ ꢮꢵꢱꢪ꣄ ꢒꢾꢬ꣄ꢭꢶꢯꢿꢡ ꢯ꣄ꢬꢷꢥꢶꢮꢵꢱꢥ꣄
ꢱꢡꢵꢪ꣄ꢔꢡꢶꢁ - ꢩꢒ꣄ꢡꢸꢥ꣄ ꢲꣁꢫꢾ ꢱꢵꢤꢸꢥꢸꢱ꣄ ꢔꢡꢶ ꢪꢾꢥ꣄ ꢯꢿꢡ꣄ꢡꢾꢥ
ꢂꢥꢶꢬꢸꢣ꣄ꢤꢁ - ꢒꣀ ꢂꢞ꣄ꢞꢪ꣄ ꢥꢴꢷꢱ꣄ꢡ꣄ꢡ ꢱꢵꢤꢸꢥꢸꢒ꣄ ꢬꢒ꣄ꢰꢱ꣄ꢡ꣄ꢡꢾꢥ
ꢱꢸꢬꢵꢥꢥ꣄ꢣꢁ - ꢱꢸꢬꢵꢥꢸ ꢤꢵꢒ꣄ꢡꢶꢬ꣄ꢗ꣄ꢗꢶ ꢱꣁꢥ꣄ꢡꢸ ꢣꢿꢱ꣄ꢡ꣄ꢡꢾꢥ
ꢔꣂꢮꢶꢥ꣄ꢣꢁ - ꢱꢸꢬꢵꢥ꣄ ꢒꢾꢬꢥ꣄ ꢱ꣄ꢡꢸꢡꢶ ꢩꢶꢞꢸꢭꢱ꣄ꢡꢾꢥ
ꢔꣂꢮꢶꢣꢵꢪ꣄ꢦꢡꢶꢁ - ꢮꢿꢣ꣄ ꢙꢥ꣄ꢫꢵꢱ꣄ꢡ꣄ꢡꢾꢖ꣄ꢒ ꢂꢱ꣄ꢒꢶ ꢦꢡꢶ ꣏
ꢪꢬꢷꢗꢶꢬ꣄ ꢣꢪꢥꣂ ꢲꢀꢱꢁ
ꢱꢸꢦꢬ꣄ꢠꣂ ꢩꢸꢙꢔꣂꢡ꣄ꢡꢪꢁ ꣎
ꢲꢶꢬꢠ꣄ꢫꢥꢵꢩꢁ ꢱꢸꢡꢦꢵꢁ
ꢦꢣ꣄ꢪꢥꢵꢩꢁ ꢦ꣄ꢬꢙꢵꢦꢡꢶꢁ ꣏ ꣒꣑ ꣏
ꢪꢬꢷꢗꢶꢁ - ꢣꣁꢳ ꢥꢴꢷꢱ꣄ꢡ꣄ꢡꢾꢖ꣄ꢒ ꢣꣁꢳꢒꢥ꣄ ꢬꢴꢷ ꢂꢦꢸꢭ꣄ ꢉꢦ꣄ ꢣꢾꢒ꣄ꢒꢜꢱ꣄ꢡꢾꢥ
ꢣꢪꢥꢁ - ꢂꢦꢸꢭ꣄ ꢙ꣄ꢫꣂꢡꢶ ꢭꢾꢖ꣄ꢒꢵꢭ꣄ ꢱꢪ꣄ꢱꢵꢬꢵꢱ꣄ꢡꢵꢥ꣄ ꢂꢠ꣄ꢗꢱ꣄ꢡꢾꢥ
ꢲꢪ꣄ꢱꢁ - ꢱꢶꢖ꣄ꢔꢵꢬ꣄ ꢲꢪ꣄ꢱ ꢑꢡꢵꢬ꣄ ꢓꢞꢾꢱ꣄ꢡꢾꢥ
ꢱꢸꢦꢬ꣄ꢠꢁ - ꢱꢪ꣄ꢱꢵꢬ꣄ ꢪꢾꢥꢥ꣄ ꢱꢸꢥ꣄ꢣꢸꢬꢸꢪ꣄ ꢬꢴꢷ ꢒꢾꢜ꣄ꢜ ꢲꢶꢖ꣄ꢔꢜꢱ꣄ꢡꢾꢥ
ꢩꢸꢙꢔꣂꢡ꣄ꢡꢪꢁ - ꢱꢵꢦꢸꢥꢸꢪ꣄ ꢯ꣄ꢬꢿꢝꢸ ꢲꣁꢫꢾꢡꢾꢥ ꢃꢣꢶꢱꢿꢰꢸꢒ꣄ ꢦꢡꢶ
ꢲꢶꢬꢠ꣄ꢫꢥꢵꢩꢁ - ꢲꢶꢬꢠ꣄ ꢱꣁꢒꢥ꣄ ꢥꢵꢩꢶ(ꢩꣁꢪ꣄ꢨꢶ) ꢯꢿꢡ꣄ꢡꢾꢥ
ꢱꢸꢡꢦꢵꢁ - ꢂꢦꢸꢭ꣄ ꢙꣁꢮꢳ꣄ ꢔ꣄ꢬꢲꢶꢛ꣄ꢗꢾ ꢂꢱ꣄ꢒꢶ ꢙꢥꢱ꣄ꢡ꣄ꢡꢾꢥ
ꢦꢣ꣄ꢪꢥꢵꢩꢁ - ꢂꢰ꣄ꢜꢬꢿꢒꢸꢥ꣄ ꢯꢿꢡ꣄ꢡꢾ ꢦꢣ꣄ꢪꢪꢦꢸꢭ꣄ ꢥꢵꢩꢶꢪ꣄ ꢢꣁꢮ꣄ꢭ꣄ꢬꢱ꣄ꢡꢾꢥ
ꢦ꣄ꢬꢙꢵꢦꢡꢶꢁ - ꢨ꣄ꢬꢪ꣄ꢪꣁ ꢧꣀꢭꢵꢡꢶ ꢂꢱ꣄ꢒꢶ ꢡꢾꢖ꣄ꢒ ꢦꢡꢶ ꣏
ꢂꢪꢺꢡ꣄ꢫꢸꢁ ꢱꢬ꣄ꢮꢣꢺꢒ꣄ ꢱꢶꢪ꣄ꢲꢁ
ꢱꢥ꣄ꢤꢵꢡꢵ ꢱꢥ꣄ꢤꢶꢪꢵꢥ꣄ ꢱ꣄ꢡꢶꢬꢁ ꣎
ꢂꢙꣂ ꢣꢸꢬ꣄ꢪꢬ꣄ꢰꢠꢁ ꢯꢵꢱ꣄ꢡꢵ
ꢮꢶꢯꢺꢡꢵꢡ꣄ꢪꢵ ꢱꢸꢬꢵꢬꢶꢲꢵ ꣏ ꣒꣒ ꣏
ꢂꢪꢺꢡ꣄ꢫꢸꢁ - ꢪꢺꢡ꣄ꢫꢸꢒ꣄ ꢮꣀꢬꢶ, ꢲꢶꢬꢠ꣄ꢫꢥꢸꢒ꣄ ꢮ꣄ꢬꣂꢤꢶ
ꢱꢬ꣄ꢮꢣꢺꢒ꣄ - ꢂꢱ꣄ꢒꢶꢥ꣄ ꢏꢠ꣄ꢜꢿꢱ꣄ ꢪꢾꢥ꣄ ꢱꢪꢩꢵꢮꢥꢒꢥ꣄ ꢱꢵꢡ꣄ꢡꢾꢥ
ꢱꢶꢪ꣄ꢲꢁ - ꢨꢭꢶꢰ꣄ꢝꢪ꣄ ꢲꣁꢫꢾ ꢥꢬꢱꢶꢪ꣄ꢲ ꢪꢹꢬ꣄ꢡꢶ
ꢱꢥ꣄ꢤꢵꢡꢵ - ꢂꢱꢸꢬꢲꢶꢬꢠꢸꢒ꣄ ꢲꢥꢾꢮꢿꢳꢸꢱ꣄ ꢦ꣄ꢬꢒꢭꢵꢡꢸꢒ꣄ ꢱꢷꢒ꣄ꢒꢥ꣄ ꢱꢶꢫꢡꢾꢥ
ꢱꢥ꣄ꢤꢶꢪꢵꢥ꣄ - ꢱꢵꢤꢸꢥ꣄ ꢱꢾꢥ꣄ꢡ ꢓꣁꢨ꣄ꢨꢶꢪ꣄ ꢗꢾꢬꢶꢒꢶꢥ꣄ ꢬꢴꢵꢱ꣄ꢡ꣄ꢡꢾꢥ
ꢱ꣄ꢢꢶꢬꢁ - ꢩꢒ꣄ꢡꢸꢥ꣄ ꢱꢾꢥ꣄ꢡ ꢓꣁꢨ꣄ꢨꢶꢪ꣄ ꢱ꣄ꢢꢶꢬꢪ꣄ꢒꢥ꣄ ꢬꢴꢵꢱ꣄ꢡ꣄ꢡꢾꢥ
ꢂꢙꢁ - ꢆꢙ꣄ꢮꢵꢮ꣄ ꢥꢴꢷꢱ꣄ꢡ꣄ꢡꢾꢥ
ꢣꢸꢬ꣄ꢪꢬ꣄ꢰꢠꢁ - ꢮꣀꢬꢶꢥꢸꢒ꣄ ꢱꢪ꣄ꢲꢵꢬ꣄ ꢒꢾꢬꢱ꣄ꢡ꣄ꢡꢾꢥ
ꢯꢵꢱ꣄ꢡꢵ - ꢤꢶꢭ꣄ꢭ ꢡꢾꢖ꣄ꢒ ꢗꣁꢒ꣄ꢒꢜ꣄ ꢮꢵꢜ꣄ ꢣꢾꢒ꣄ꢒꢜꢱ꣄ꢡꢾꢥ
ꢮꢶꢯꢺꢡꢵꢡ꣄ꢪꢵꢁ - ꢃꢱ꣄ꢗꢬ꣄ꢫꢪ꣄ꢒꢥ꣄ ꢎꢒ꣄ꢒꢡ꣄ꢡꢶꢱꢵ ꢑꢡꢵꢬ꣄ ꢓꢞꢾꢱ꣄ꢡ꣄ꢡꢾꢥ
ꢱꢸꢬꢵꢬꢶꢲꢵ - ꢱꢸꢬꢸꢥꢸꢒ꣄ ꢬꢒ꣄ꢰꢥꣁ ꢒꢾꢬꢶ ꢂꢱꢸꢬꢸ ꢲꢶꢬꢠꢸꢒ꣄ ꢲꢥꢾꢱ꣄ꢡ꣄ꢡꢾꢥ ꣏
Comments