3rd Year Saurashtra Book Festival & 29th year Salem Saurashtra Samuuha Sevaa Sangam Celebration

3rd Year Saurashtra Book Festival & 29th year Salem Saurashtra Samuuha Sevaa Sangam Celebration

ஆகஸ்ட் 15, 2017 ஆடி 30, மங்க3ளவார் தி3ன்னும் ஸேலம் பட்டைகோவில் வெது3ர் ஸேத்தெ வஸந்த மண்ட3பும்.

ஸால்யபுரி(சேலம்) ஸௌராஷ்ட்ர ஸமூஹ ஸேவா ஸங்க3ம் சல்த கரெ தி2ன்வ ஒர்ஸு புஸ்தக் ஸென்னு ப4க3வான் க்ருப, மொ:ட்டான் ஆஸி ஸெந்த பெ4ளி விஸேஷ்க ஸொம்புகன் சல்த ஹொயெஸி.

ஏ ஸுப4 தி3ன்னும் ஸால்யபுரி மஹாகவி புட்டா அழக3ரார்யர் ஆர்யென் புராதனம் ஹொயெ ஸௌந்த3ர்ய ஸௌராஷ்ட்ர பா4ஷாம் ரசெ ஸங்கீ3த நாட்டிய நாடக காவ்யம் (தாடி3 பானும்). தாடி3 பானும்கெ ப4ராட் க2டெ ஸால்யபுரி கெ3ந்தபடி ப4வான் ரெங்கநாயகுல ஆர்யான் க்ருப ஆஸி ஸெந்த பெ4ளி ஜுன்ன தாடி3 பான் அக்ஷருன் ஜெத செர்ச்சி ஸௌராஷ்ட்ர பா4ஷா ஸெந்த தமிழ் பா4ஷா அர்து ஸெந்த பூர்ண பொதிகன்  ஸ்ரீமதி திருக்கொண்டா ஸரோஜா ஸுந்த3ரராஜன் ஆர்யென் ப4ராட் ஸெட்3யாஸி.

ப2ல்சொ ஸ்ரீ TVS. மணியன் ஆர்யென் புஸ்தவ் ப4ராட் ஸெட்3யாஸி. அங்கு3ன்

மா:வத்3தி3 ஸ்ரீ லகு3டு3வா L.R. கோ3வர்த3னன் ஆர்யான் ஸ்ரீ ரவீந்த்3ரநாத் கொண்டா3 ஆர்யென் ஸௌராஷ்ட்ர பா4ஷாம் அனுவாத்3 கெரெ காத3ம்ப3ரி கெ2தொ, ஸௌராஷ்ட்ர அக்ஷரும் ஸிங்கி3 ப4ராட் ஸொட்3யாஸி.

ப2ல்சொ ஸ்ரீ லம்பி3யான். கிருஷ்ணய்யன் வெங்கடாஜலபதி (K.V.பதி) ஆர்யான் அம்ரெ ஸௌராஷ்ட்ர பா4ஷொ ரோமன் பொ2ர்ங்கி3 அக்ஷருனும் கிஸொ லிக்குனொ மெனி ஸிக்கடி3 தே3ஸ்த்திஸா Easy Lessons to Write Sourashtram in Roman Engilsh  மெனன் புஸ்தவ் ப4ராட் ஸொட்3யாஸி. அங்கு3ன்

தொ3ப்பென் T.K. ஜெயபாலன் ஆர்யான் புஸ்தவ் தி3ய்யொ ப4ராட் ஸொட்3யாஸி

ப2ல்சொ ஸாஹித்ய கர்தான், லிக்குனார், நிம்பி3வான் நுக் ஸேலம் ஸௌராஷ்ட்ர ஸமூஹ ஸேவா ஸங்க3ம் கெ3னம் கெரி ஹட்வன் ஜேமுன் தி3யாஸி.

ஸௌராஷ்ட்ர ஸமூஹ லிக்குனாருன், நிம்பி3வான் நு அபுல் புஸ்தவுன் அஸ்கி புஸ்தௌ ஸென்னும் ரி: ப4ராட் களட்3யாஸி.

ஏ ஸென்னு ஜதொ ஸேலம் ஸௌராஷ்ட்ர ஸமூஹ ஸேவா ஸங்க3ம் 29 ஒர்ஸு வைபௌ4 பெ4ளி ஸொம்புகன் சலெஸி.

ஏ வைப4வும் ஸௌராஷ்ட்ர ஸமூஹம் உன்னதி ஹோஸ்த்த, வாட் மர்ச்சி ஜானாஸ்த்த ஸெர்க வாடும் ஜாஸ்த்த ஹெடி3 தெ3க்கட3ரிய, ஸமூஹமு சலரிய பொ4வெ விஷயமுன் களட3ஸ்த்திஸ தெ4ரெ நாச் >> பி2ரிஸா << (ந:ன் நீடொ3) ப4ராட் ஸொட்3யாஸி.

ந:ன்ன நு:ருனுக் ஓவியம் லிக்கடி3 அஸ்கி நு:ருனுக் ஜேமுன் தீ3 கெ4னம் கெர்யாஸி.

வீள்டொ ப4ரதநாட்டியம் ஸெந்த வைப4வ் ஹரும்ப3ம் ஹொயெஸி.

10,12 வர்கு3 சொவ்த3ரிய வித்3யார்தினுக், பரீக்ஷெம் சொக்கட் தா4னு ஸங்க்2யொ க2டெ வித்3யார்தினுக் ஹன்னவ், ஜேமுன், ஹட்வஞேமுன்,கேட3யனுன் தீ3 கெ4னம் கெர்யாஸி.

வாழ்நாள் ஸாதனையாளர்னுக் பி4ருது(விருது) தீ3 கெ4னம் கெர்யாஸி.

ப2சொ தா.கு. சுப்பிரமணியன் ஆர்யான் பொட்டமு >> ஸௌராஷ்ட்ர ஸமூஹ உன்னதிக் ஹிந்தா3 முக்ய அவஸ்யம் ஜௌவ்ணானு எழுச்சிகீ ? மொ:ட்டானு செவ்டி3னீ ? மெனன் நாவும் பட்டி மன்றம்  ஸொம்புகன் சல்த ஹொயெஸி

ஏ புஸ்தவ் ஸென்னு அங்கு3ன் ஸேலம் ஸௌராஷ்ட்ர ஸமூஹ ஸேவா ஸங்க3ம் 29 ஒர்ஸு வைப4வுக் பா4ரத தே3ஸ் போ4ர் பொ4ரி ஸேத்தெ அம்ரெ ஸௌராஷ்ட்ர ஜெனுல் நு, ஸமூஹ மொ:ட்டான், ந:ன்னான், ஆர்யான், ஆர்யென் அஸ்கின் வட க2ள்ளி விஸேஷ் பெ4ளி ஸொம்புகன் சலெஸி.

விஸேஷும் வட க2ள்ளியெ மொ:ட்டான் ஆர்யான் ஆர்யென் அஸ்கி சொக்கட் ஸுவத்தான் கெர்யாஸி. ஸமூஹம், பா4ஷொ சொக்கட் உஞ்சா ஸ்தானும் அவஸ்த்தக் ஜௌணான், ஜௌணின் அஸ்கி கா3மு பே3த் நீ:ஸ்த்த ஆஸ்கி ஸமூஹ,பா4ஷா உன்னதி காமுன் வட க2ள்ளி கெர்னொ மெனி ஆஸின் தி3யாஸி.

ஏ ஸுப4தி3ன்னும் புஸ்தவ் ஸென்னு, ஸேலம் ஸௌராஷ்ட்ரா ஸமூஹ ஸேவா ஸங்க3ம் வைப4வ் சொக்கட் தா4னு சல்த கெர்லி அவரிய ஆர்யான்

ஸ்ரீ பாரகிரி சீனிவாஸன் ஆர்யான், ஸ்ரீ நன்னியா லக்ஷமணா நாக3ராஜன் ஆர்யான், உண்ட3ல் பா3ஸ்கர் ஆர்யான், லகு3டு3வா ஸதீஷ்குமார் ஆர்யான், பதி3ங்கா3 ஸுரேஷ்பா3பு3 ஆர்யான் அங்கு3ன் ஏ வைப4வ், ஸென்னு சொக்கட் தா4னு சல்த கரஸ்த்த வட க2ள்ளியெ ஆர்யென்,  மொ:ட்டான், ந:ன்னான் ஸால்யபுரி ஜெனுன் அஸ்கி தெங்க அவ்ரெ மொன்னு பொ4ரெ விஸ்வாஷ் களள்லி, த4ன்னு ஸங்கு3லராஸி. நமஸ்கார்.

 கொண்டா K.S. செந்தில்குமார், மதுரை