Palkaar Divali

நரகாஸுரனை வதைத்து தீபாவளி திருநாளை

  உலகனைத்துக்கும் தந்த ஸ்ரீ க்ருஷ்ண பகவானுக்கு பற்பல

  தேசத்தவர் பரிசுகளை வழங்கினர். நமது ஸௌராஷ்ட்ர 

தேஸத்து மன்னர்&மக்கள் தாமே தமது கையால் நெய்த பட்டு

  ஜரிகைத் தலைப்பாகையினை ஸ்ரீ கிருஷ்ண பகவானுக்கு

  அணிவித்து வணங்கினார். அதனை நெய்து கொண்டுவர ஐந்து

  நாட்கள் ஆயின. நரகாஸுரனை வதைத்த பின்வந்த ஐந்தாம்

  நாள் (பஞ்சமி திதி) அன்று அந்த தலைப்பாகை 

 ஸ்ரீ கிருஷ்ணருக்கு தரப்பட்டது (அணிவிக்கப்பட்டது). தங்க

  நிறத்துடன்,மயில் கழுத்து வண்ண முகப்புடன் அமைந்து, 

 தலையிலே மயில் தோகை என விரிய ஸ்ரீ கிருஷ்ண பகவான் அதை அணிந்தார். 

 அதன் அழகிலே மயங்கிய ஸ்ரீ கிருஷ்ண பகவான் 

 ஹிந்தொ பள்கார் தி3வளி என்று நமது ஸௌரஸேனி 

(ஸௌராஷ்ட்ரா) மொழியில் பேசி,  ஸௌராஷ்ட்ர

  நெசவுக்கலையைப் பாராட்டி வாணவேடிக்கையுடன்

   ஸ்ரீ கிருஷ்ண பகவான்  தீபாவளி கொண்டாடினார். இதுவே

  நகலு பொன்னொ எனப்படும் பள்கார் தி3வளியாகும். 

 ஆகவே  நமது ஸௌராஷ்ட்ர ஸமூகத்தினர் ஆண்டுதோறும்

  இரண்டு   தீபாவளி கொண்டாடுகிறோம்.

இந்த வருடம் பள்கார் தி3வளி 28/10/2014 ஐப்பசி 11 ம் தேதி 

செவ்வாய்க்கிழமை  பஞ்சமிதிதி யில் கொண்டாடப்படுகிறது.

ஹரே க்ருஷ்ண ஹரே க்ருஷ்ண க்ருஷ்ண க்ருஷ்ண ஹரே ஹரே

ஹரே ராம ஹரே ராம ராம ராம ஹரே ஹரே