Child SriKrishna Song 1 _ Sourashtram

Child  SriKrishna Song 1 _ Sourashtram

 

கீஷ்டுபில்லா கீ³தாவளி

1)  பள்ளொ ஹிந்த³ளஸ்த்தெ ப்ராயம்

கோ³ நிஞ்ஜிபா³ க்ருஷ்ணா – தூ அத்தொ

கோ³ நிஞ்ஜிபா³ க்ருஷ்ணா

கோ³குலு ரஜொ துரெபோ³ அத்தொ அவ்ட³ன்

கொ⁴ம்மா காமுனஸ்கி க³வுஞ்சி சொக்கட் ஸனோஸே … (கோ³நிஞ்ஜிபா³)

அப்ரஞ்ஜி பள்ளொ தீ³ரேஸ் – பி³ர்மொ

அப்ரஞ்ஜி பள்ளொ தீ³ரேஸ்

தெமாம் ஸேஸ்தெ வைரமுன் சுக்கொ ஸோன் மிஸ்கரேஸ்

தெளீவ்கன் ம:ளி தொ³ளொ பி²வ்ரி பி²வ்ரி ஸாநகொ … (கோ³நிஞ்ஜிபா³)

ஈஸ்புரு தீ³த⁴ட்³டி³ரேஸ் – ஸொன்னாமு

ஸிங்கா³ர்கன் கெரெ கெது³ரொ – தெமாம்

கெளி, கா³ய் கி⁴ணிங் கா⁴ட் க⁴லி மீ தொ²வ்ரீஸ்

கே²ளும் க²ள்னொகொ ரொண்ணொகொ பா³ தூ…. (கோ³நிஞ்ஜிபா³)

செய்ம்பட்டெ தீ³த⁴ட்³டி³ரேஸ் – இந்துரு

செய்ம்பட்டெ தீ³ த⁴ட்³டி³ரேஸ்

சொக்கட் மொதிஸெரொ தெமாம் மாணிக்கம் பொ⁴ரிஸே

சொக்கட் கு³ண்ணு பொ⁴ரெ மொன்னு தூ மொகொ தீ³டெ³.. (கோ³நிஞ்ஜிபா³)

ஸங்கு³ செக்குர் தெ³ண்டொ³ தீ³ராஸ் – தே³வுன்

ஸங்கு³ செக்குர் தெ³ண்டொ³ தீ³ராஸ்

ஸெங்கு³கன் க²ளஸ்தக் ப³ல்ராம் த³தொ³ஸே

ஸெத்³து³ மட்ணகொ அத்தொ ரொண்ணகொ பா³ தூ… (கோ³நிஞ்ஜிபா³)

ஸுந்து³ர் ரஜொ அவி ஜாரேஸ் – அத்தோஸி

ஸுந்து³ர் ரஜொ அவி ஜாரேஸ்

து⁴வெ மொதி பொம்பு³ளொ தீ³டி³கின் ஜாரேஸ்

து⁴வெ மொதி தூஸி பொம்பு³ளொ தூஸி… (கோ³நிஞ்ஜிபா³)

லெக்ஷ்மி அவி ஸாரிஸ் – அத்தோஸி

லெக்ஷ்மி அவி ஸாரிஸ்

லெக்ஷண் ஹொயெ பொ4வ்ண்டி3 மொக3 ஹோஸ்த்தகு ஸாரீஸ்

ரெச்ச மட்ணொகொ அத்தொ ரொண்ணொகொ பா3 தூ… (கோ3நிஞ்ஜிபா3)

பூ⁴மா தே³வி அவி ஜாரிஸ் – அத்தோஸி

பூ⁴மா தே³வி அவி ஜாரிஸ்

பூ²ல் ஸிர்கண் தொ²ள்சி மாலெ தீ³டி³கின் ஜாரிஸ்

பூ²ல் ஸோன் பில்லா தூ ரொட்ணொகொ பா³ தூ …. (கோ³நிஞ்ஜிபா³)

பார்வதி அவி ஜாரிஸ் – தெனொ தொக³

பாட் தெட்டி தீ³டி³ ஜாரிஸ்

வஸுனா தெயில்லவி தொ3ளாக் கஜள் க⁴ல்தி

வஸ்ஸுன திலகம் பொ³ட்டு லவ்திகின் ஜாரிஸ்…… (கோ³நிஞ்ஜிபா³)

நிஞ்ஜிபா³ நிஞ்ஜி மெனி யசோதா³ கீ³த் க³வெ ஸொகன் பள்ளொ ஹிந்த³ளன் கீ³துன் ப⁴க்திகன் க³வஸ்த்தெங்கொ பரம்பரெ ஸுஹுர்த்து(புன்னு) பொந்த³ய் நு:ருனு ஸ்ரீ கீஷ்டு ஸோன் ஜிவனு.

------------------------------------------------------------------------------------------------------------------

ꢒꢷꢰ꣄ꢜꢸꢦꢶꢭ꣄ꢭꢵ ꢔꢷꢡꢵꢮꢳꢶ

꣑) ꢦꢳ꣄ꢳꣁ ꢲꢶꢥ꣄ꢣꢳꢱ꣄ꢡ꣄ꢡꢾ ꢦ꣄ꢬꢵꢫꢪ꣄  

ꢔꣂ ꢥꢶꢛ꣄ꢙꢶꢨꢵ ꢒꢺꢰ꣄ꢠꢵ - ꢡꢹ ꢂꢡ꣄ꢡꣁ

ꢔꣂ ꢥꢶꢛ꣄ꢙꢶꢨꢵ ꢒꢺꢰ꣄ꢠꢵ

ꢔꣂꢒꢸꢭꢸ ꢬꢙꣁ ꢡꢸꢬꢾꢨꣂ ꢂꢡ꣄ꢡꣁ ꢂꢮ꣄ꢞꢥ꣄

ꢕꣁꢪ꣄ꢪꣁ ꢒꢵꢪꢸꢥꢱ꣄ꢒꢶ ꢔꢮꢸꢛ꣄ꢗꢶ ꢗꣁꢒ꣄ꢒꢜ꣄ ꢱꢥꣂꢯꢿ ……. (ꢔꣂꢥꢶꢛ꣄ꢙꢶꢨꢵ)

ꢂꢦ꣄ꢬꢛ꣄ꢙꢶ ꢦꢳ꣄ꢳꣁ ꢣꢷꢬꢿꢱ꣄ - ꢨꢶꢬ꣄ꢪꣁ

ꢂꢦ꣄ꢬꢛ꣄ꢙꢶ ꢦꢳ꣄ꢳꣁ ꢣꢷꢬꢿꢱ꣄

ꢡꢾꢪꢵꢪ꣄ ꢯꢿꢱ꣄ꢡ꣄ꢡꢾ ꢮꣀꢬꢪꢸꢥ꣄ ꢗꢸꢒ꣄ꢒ ꢱꣂꢥ꣄ ꢪꢶꢱ꣄ꢒꢬꢿꢱ꣄

ꢡꢾꢳꢷꢮ꣄ꢒꢥ꣄ ꢪꢴꢳꢶ ꢣꣁꢳꣁ ꢧꢶꢮ꣄ꢬꢶ ꢧꢶꢮ꣄ꢬꢶ ꢱꢵꢥꢒꣁ ……. (ꢔꣂꢥꢶꢛ꣄ꢙꢶꢨꢵ)

ꢅꢱ꣄ꢦꢸꢬꢸ ꢣꢷꢤꢞ꣄ꢞꢶꢬꢿꢱ꣄ - ꢱꣁꢥ꣄ꢥꢵꢪꢸ

ꢯꢶꢖ꣄ꢔꢵꢬ꣄ꢒꢥ꣄ ꢒꢾꢬꢾ ꢒꢾꢣꢸꢬꣁ - ꢡꢾꢪꢵꢪ꣄

ꢒꢾꢳꢶ, ꢔꢵꢫ꣄ ꢕꢶꢠꢶꢖ꣄ꢕꢵꢜ꣄  ꢕꢭꢶ ꢪꢷ ꢢꣁꢮ꣄ꢬꢷꢱ꣄

ꢓꢿꢳꢸꢪ꣄ ꢓꢳ꣄ꢥꣁꢒꣁ ꢬꣁꢠ꣄ꢠꣁꢒꣁ ꢨꢵ ꢡꢹ…. (ꢔꣂꢥꢶꢛ꣄ꢙꢶꢨꢵ)

ꢗꢾꢫ꣄ꢪ꣄ꢦꢜ꣄ꢜꢾ ꢣꢷꢤꢞ꣄ꢞꢶꢬꢿꢱ꣄ - ꢄꢥ꣄ꢡꢸꢬꢸ

ꢗꢾꢫ꣄ꢪ꣄ꢦꢜ꣄ꢜꢾ ꢣꢷ ꢤꢞ꣄ꢞꢶꢬꢿꢱ꣄

ꢗꣁꢒ꣄ꢒꢜ꣄ ꢪꣁꢡꢶꢱꢾꢬꣁ ꢡꢾꢪꢵꢪ꣄ ꢪꢵꢠꢶꢒ꣄ꢒꢪ꣄ ꢩꣁꢬꢶꢯꢿ

ꢗꣁꢒ꣄ꢒꢜ꣄ ꢔꢸꢠ꣄ꢠꢸ ꢩꣁꢬꢾ ꢪꣁꢥ꣄ꢥꢸ ꢡꢹꢪꣁꢔ ꢣꢷꢞꢾ… (ꢔꣂꢥꢶꢛ꣄ꢙꢶꢨꢵ)

ꢱꢖ꣄ꢔꢸ ꢗꢾꢒ꣄ꢒꢸꢬ꣄ ꢣꢾꢠ꣄ꢞꣁ ꢣꢷꢬꢵꢱ꣄ - ꢣꢿꢮꢸꢥ꣄

ꢱꢖ꣄ꢔꢸ ꢗꢾꢒ꣄ꢒꢸꢬ꣄ ꢣꢾꢠ꣄ꢞꣁ ꢣꢷꢬꢵꢱ꣄

ꢱꢾꢖ꣄ꢔꢸꢒꢥ꣄ ꢓꢳꢱ꣄ꢡꢒ꣄ ꢨꢭ꣄ꢬꢵꢪ꣄ ꢣꢣꣁꢯꢿ

ꢱꢾꢣ꣄ꢣꢸ ꢪꢜ꣄ꢠꣁꢒꣁ ꢂꢡ꣄ꢡꣁ ꢬꣁꢠ꣄ꢠꢒꣁ ꢨꢵ ꢡꢹ ….. (ꢔꣂꢥꢶꢛ꣄ꢙꢶꢨꢵ)

ꢱꢸꢥ꣄ꢣꢸꢬ꣄ ꢬꢙꣁ ꢂꢮꢶ ꢙꢵꢬꢿꢱ꣄ - ꢂꢡ꣄ꢡꣂꢱꢶ

ꢱꢸꢥ꣄ꢣꢸꢬ꣄ ꢬꢙꣁ ꢂꢮꢶ ꢙꢵꢬꢿꢱ꣄

ꢤꢸꢮꢾ ꢪꣁꢡꢶ ꢦꣁꢪ꣄ꢨꢸꢳꣁ ꢣꢷꢞꢶꢒꢶꢥ꣄ ꢙꢵꢬꢿꢱ꣄

ꢤꢸꢮꢾ ꢪꣁꢡꢶ ꢡꢹꢱꢶ ꢦꣁꢪ꣄ꢨꢸꢳꣁ ꢡꢹꢱꢶ ….. (ꢔꣂꢥꢶꢛ꣄ꢙꢶꢨꢵ)

ꢭꢾꢒ꣄ꢰ꣄ꢪꢶ ꢂꢮꢶ ꢱꢵꢬꢶꢱ꣄ - ꢂꢡ꣄ꢡꣂꢱꢶ

ꢭꢾꢒ꣄ꢰ꣄ꢪꢶ ꢂꢮꢶ ꢱꢵꢬꢶꢱ꣄

ꢭꢾꢒ꣄ꢰꢠ꣄ ꢲꣁꢫꢾ ꢩꣁꢮ꣄ꢠ꣄ꢞꢶ ꢪꣁꢔ ꢲꣂꢱ꣄ꢡ꣄ꢡꢒꢸ ꢱꢵꢬꢷꢱ꣄

ꢬꢾꢗ꣄ꢗ ꢪꢜ꣄ꢠꣁꢒꣁ ꢂꢡ꣄ꢡꣁ ꢬꣁꢠ꣄ꢠꣁꢒꣁ ꢨꢵ ꢡꢹ …. (ꢔꣂꢥꢶꢛ꣄ꢙꢶꢨꢵ)

ꢩꢹꢪꢵ ꢣꢿꢮꢶ ꢂꢮꢶ ꢙꢵꢬꢶꢱ꣄ - ꢂꢡ꣄ꢡꣂꢱꢶ

ꢩꢹꢪꢵ ꢣꢿꢮꢶ ꢂꢮꢶ ꢙꢵꢬꢶꢱ꣄

ꢧꢹꢭ꣄ ꢱꢶꢬ꣄ꢒꢠ꣄ ꢢꣁꢳ꣄ꢗꢶ ꢪꢵꢭꢾ ꢣꢷꢞꢶꢒꢶꢥ꣄ ꢙꢵꢬꢶꢱ꣄

ꢧꢹꢭ꣄ ꢱꣂꢥ꣄ ꢦꢶꢭ꣄ꢭꢵ ꢡꢹ ꢬꣁꢜ꣄ꢠꣁꢒꣁ ꢨꢵ ꢡꢹ…. (ꢔꣂꢥꢶꢛ꣄ꢙꢶꢨꢵ)

ꢦꢵꢬ꣄ꢮꢡꢶ ꢂꢮꢶ ꢙꢵꢬꢶꢱ꣄ - ꢡꢾꢥꣁ ꢡꣁꢔ

ꢦꢵꢜ꣄ ꢡꢾꢜ꣄ꢜꢶ ꢣꢷꢞꢶ ꢙꢵꢬꢶꢱ꣄

ꢮꢱꢸꢥꢵ ꢡꢾꢫꢶꢭ꣄ꢭꢮꢶ ꢤꣁꢳꢵꢒ꣄ ꢒꢙꢳ꣄ ꢕꢭ꣄ꢡꢶ

ꢮꢱ꣄ꢱꢸꢥꢵ ꢡꢶꢭꢒꢪ꣄ ꢨꣁꢜ꣄ꢜꢸ ꢭꢮ꣄ꢡꢶꢒꢶꢥ꣄ ꢙꢵꢬꢶꢱ꣄…. (ꢔꣂꢥꢶꢛ꣄ꢙꢶꢨꢵ)

---------------------------------------------

ꢥꢶꢛ꣄ꢙꢶꢨꢵ ꢥꢶꢛ꣄ꢙꢶ ꢪꢾꢥꢶ ꢫꢗꣂꢣꢵ ꢔꢷꢡ꣄ ꢔꢮꢾ ꢱꣁꢒꢥ꣄ ꢦꢳ꣄ꢳꣁ ꢲꢶꢥ꣄ꢣꢳꢥ꣄ ꢔꢷꢡꢸꢥ꣄ ꢩꢒ꣄ꢡꢶꢒꢥ꣄ ꢔꢮꢱ꣄ꢡ꣄ꢡꢾꢖ꣄ꢒꣁ ꢦꢬꢪ꣄ꢦꢬꢾ ꢯꢸꢲꢸꢬ꣄ꢡ꣄ꢡꢸ (ꢦꢸꢥ꣄ꢥꢸ) ꢦꣁꢥ꣄ꢣꢫ꣄꣄ ꢥꢴꢸꢬꢸꢥꢸ ꢯ꣄ꢬꢷ ꢒꢷꢰ꣄ꢜꢸ ꢱꣂꢥ꣄ ꢙꢶꢮꢥꢸ ꣎

----------------------------------------------

 

_____________________________________________________________________________

kiiShTupillaa giitaavaLi

1) paLLo hindaLastte praayam 

gO ninjibaa krishnaa – tuu atto

gO ninjibaa krishnaa

gOkulu rajo turebO atto avDan

ghommaa kaamunaski gavunchi chokkaT sanOshE …. (gOninjibaa)

apranji paLLo diirEs – birmo

apranji paLLo diirEs

temaam shEste vairamun chukka sOn miskarEs

teLiivkan mhaLi doLo phivri phivri saanako ….. (gOninjibaa)

iispuru diidhaDDirEs – sonnaamu

shingaarkan kere keduro – temaam

keLi, gay ghiNin ghaaT ghali mii thovriis

khELum khaLnoko roNNoko baa tuu…… (gOninjibaa)

cheympaTTe diidhaDDirEs – inturu

cheympaTTe dii dhaDDirEs

chokkaT motisero temaam maaNikkam bhorishE

chokkaT guNNu bhore monnu tuu moko diiDe … (gOninjibaa)

sangu chekkur deNDo diiraas – dEvun

sangu chekkur deNDo diiraas

sengukan khaLastak balraam dadoshE

seddu maTNako atto roNNako baa tuu….. (gOninjibaa)

sundur rajo avi jaarEs – attOsi

sundur rajo avi jaarEs

dhuve moti pombuLo diiDikin jaarEs

dhuve moti tuusi pombuLo tuusi …. (gOninjibaa)

lekShmi avi saaris – attOsi

lekShmi avi saaris

lekShaN hoye bhovNDi moga hOsttaku saariis

rechcha maTNoko atto roNNoko paa tuu……… (gOninjibaa)

bhuumaa dEvi avi jaaris – attOsi

bhuumaa dEvi avi jaaris

phuul sirkaN thoLchi maale diiDikin jaaris

phuul sOn pillaa tuu roTNoko baa tuu ….. (gOninjibaa)

paarvati avi jaaris – teno toga

paaT teTTi diiDi jaaris

vasunaa teyillavi dhoLaak kajaL ghalti

vassuna tilakam boTTu lavtikin jaaris ….. (gOninjibaa)

_______________________________________________

ninjibaa ninji meni yachOdaa giit gave sokan paLLo hindaLan giitun bhaktikan gavasttenko parampare shuhuurttu (punnu) ponday nhurunu shrii kiiShTu sOn jivanu.

____________________________________________________ 

dhannu (Thanks)

sachidaananda giitun

Smt. ThirukKondaa S. Sarojasundararaajan